Budzie sud na žorstkim zabojcam dźviuch žančyn u Mahilovie

Prakuraturaj Mahiloŭskaj vobłaści zavieršana rasśledavańnie i nakiravana ŭ abłasny sud kryminalnaja sprava ŭ dačynieńni da žychara abłasnoha centra Cimašenki, jaki ŭ lutym-sakaviku hetaha hoda ŭ svajoj kvatery ŭčyniŭ zabojstva dźviuch žančyn.

Źniaviečanyja astanki žycharak Mahilova Karasiovaj i Bykavaj byli znojdzieny ŭ rajonie vulicy Facina 23 i 31 sakavika.

Jak paviedamiła staršy pamočnik prakurora vobłaści Ała Kuźniacova, orhanami papiaredniaha rasśledavańnia dziejańni 39-hadovaha mahilaŭčanina kvalifikavany na padstavie č. 1 art. 139 i p. 16 č. 2 art. 139 KK (zabojstva i zabojstva asobaj, jakaja raniej učyniła zabojstva). Hety artykuł Kryminalnaha kodeksa praduhledžvaje pakarańnie ŭ vyhladzie pazbaŭleńnia voli na termin ad 8 da 25 hadoŭ, ci pažyćciovaje źniavoleńnie, ci śmiarotnuju karu.

Jak raniej paviedamlałasia, pry dopytach i praviercy pakazańniaŭ abvinavačany poŭnaściu pryznaŭ svaju vinu i daŭ padrabiaznyja śviedčańni pra abstaviny ŭčynieńnia im złačynstvaŭ. Padčas śledstva ŭ poŭnym abjomie praviedzieny ŭsie nieabchodnyja śledčyja dziejańni, sudova-miedycynskija, kryminalistyčnyja, hienietyčnyja ekśpiertyzy, vyniki jakich adnaznačna śviedčać pra jaho vinu.

Praviedzienaj kompleksnaj stacyjanarnaj psichołaha-psichijatryčnaj ekśpiertyzaj ustanoŭlena, što abvinavačany ŭ stanie śviadomaści, adnak z pryčyny indyvidualnych rysaŭ charaktaru, na fonie ałkahalizacyi schilny da impulsiŭnych prajaŭ žorstkaści i hvałtu.

0

0

0

0

0

0

Viačasłaŭ Budkievič, BiełaPAN.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH