Siońnia ŭ palapšeńni žyllovych umoŭ majuć patrebu 11 tysiač supracoŭnikaŭ orhanaŭ unutranych spraŭ Biełarusi.
Ab hetym paviedamiŭ sajt MUS u materyjale ab atrymańni 30 vieraśnia 107 siemjami milicyjanieraŭ klučoŭ ad novych kvater u domie, zdadzienym u Frunzienskim rajonie Minska. Udzieł u mierapryjemstvie ŭziaŭ namieśnik ministra ŭnutranych spraŭ Anatol Kurylec.
Pa kolkaści čarhavikoŭ lidziruje stalica — dźvie tysiačy čałaviek. Ale chacia ŭ Minsku čarha bolšaja, jana ruchajecca chutka, śćviardžajuć u MUS, — z pačatku hoda zasieleny čatyry damy, jašče čatyry buduć zdadzieny ŭ ekspłuatacyju da navahodnich śviataŭ.
Usiaho pa krainie ciapier budujecca 25 «milicejskich» damoŭ. Chutka budujecca novaje žyllo dla supracoŭnikaŭ u Bresckim i Viciebskim abłasnych upraŭleńniach unutranych spraŭ. Jak zajaviŭ Anatol Kurylec, u rajonnych centrach pytańnie z žyllom dla milicyjanieraŭ vyrašajecca praściej, čym u siarednich i bujnych haradach.