Siońnia Łukašenka daść pres-kanfierencyju dla rasijskich žurnalistaŭ

Jak paviedamiŭ kiraŭnik pres-słužby prezidenta Pavieł Lohki,

bolš za 100 rasijskich žurnalistaŭ prybyli ŭ Biełaruś 28 vieraśnia ŭ miežach čarhovaha, vośmaha pa liku, pres-tura.

«Jany pradstaŭlajuć vydańni pryblizna 60 rasijskich rehijonaŭ, častka ź ich pradstaŭlaje fiederalnyja rasijskija ŚMI, jašče častka — ŚMI Sajuznaj dziaržavy Biełarusi i Rasii», — skazaŭ Lohki.

Jon adznačyŭ, što heta samy masavy «desant» rasijskich žurnalistaŭ u Biełaruś. «Za vosiem hadoŭ historyi pres-turaŭ rasijskich žurnalistaŭ u našu krainu takoj kolkaści rasijskich pradstaŭnikoŭ ŚMI ŭ nas nie było. Było pa 70–80 čałaviek, ale nie 100. Heta śviedčyć pra vialikuju ŭvahu rasijskich vydańniaŭ da našaj krainy», — skazaŭ Lohki.

Pavodle źviestak aficyjnych ŚMI,

pramuju tranślacyju pres-kanfierencyi budzie vieści Pieršy kanał Biełaruskaha radyjo. Televiersiju pakažuć siońnia viečaram usie nacyjanalnyja telekanały.

Napiaredadni rasijskaje Ahienctva palityčnych navin sa spasyłkaj na krynicu ŭ kramloŭskaj administracyi paviedamiła, što Kreml nastojliva rekamiendavaŭ fiederalnym ŚMI ŭstrymacca ad udziełu u «rekłamnych turach» pa Biełarusi.

Papiaredni pres-tur z udziełam 76 rasijskich žurnalistaŭ pravodziŭsia z 29 vieraśnia pa 2 kastryčnika 2009 hoda i taksama zaviaršyŭsia sustrečaj ź biełaruskim prezidentam.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH