17 čałaviek zahinuli ŭ Biełarusi ŭ darožnych avaryjach za apošnija troje sutak

Za apošnija troje sutak u Biełarusi zarehistravana 69 darožna-transpartnych zdareńniaŭ z paciarpiełymi, u jakich 17 čałaviek zahinuli i 65, u tym liku siem dziaciej, atrymali traŭmy.

Pra heta paviedamiŭ načalnik słužby prafiłaktyki i prapahandy biaśpieki darožnaha ruchu śpiecpadraździaleńnia darožna-patrulnaj słužby «Strała» ŭpraŭleńnia DAI MUS Jaŭhien Łapiec.

U paraŭnańni z papiarednimi vychadnymi avaryjnaść i ciažkaść nastupstvaŭ DTZ uzrasła. Za 1–3 kastryčnika było ŭčyniena 61 DTZ, u jakim 14 čałaviek zahinuli i 64 atrymali ranieńni.

Piaciora ź siami paciarpiełych u DTZ dziaciej atrymali traŭmy pa vinie baćkoŭ, jakija parušyli praviły pieravozki pasažyraŭ u transpartnych srodkach.

Dva darožna-transpartnyja zdareńni z paciarpiełymi byli ŭčynienyja niećviarozymi vadzicielami. Za kiravańnie aŭtamabilami ŭ niećviarozym stanie zatrymana 527 čałaviek.

Vosiem z 17 zahinułych u DTZ — piešachody, try — viełasipiedysty. Pryčynami inšych avaryj sa śmiarotnym zychodam źjaŭlajucca pierakulvańnie transpartnych srodkaŭ, łabavoje sutyknieńnie, najezd na pieraškodu.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH