Pradstaŭnik ABSIE pa pytańniach svabody ŚMI Duńja Mijatavič rekamienduje ŭładam Biełarusi źniać usie administracyjnyja abmiežavańni dla dziejnaści ŚMI. Pra heta jana zajaviła 27 kastryčnika napres-kanfierencyi ŭ Minsku.
U miežach svajho vizitu ŭ Biełaruś 25–27 kastryčnika Mijatavič sustrełasia ź ministram infarmacyi Aleham Pralaskoŭskim, ministram zamiežnych spraŭ Siarhiejem Martynavym, staršynioj CVK Lidzijaj Jarmošynaj, pamočnikam prezidenta Usievaładam Jančeŭskim.
Pavodle słoŭ pradstaŭnika ABSIE, padčas hetych sustreč jana «adkryta zajaŭlała» pra nieabchodnaść spynić praktyku vyniasieńnia papiaredžańniaŭ ŚMI i ich zakryćcia.
Mijatavič zaklikała ŭłady Biełarusi zrabić zachady pa padtrymcy niezaležnych ŚMI, arhanizavać umovy dla stvareńnia niezaležnaj sistemy samarehulacyi maśmiedyja, pryniać zakony ab dostupie da infarmacyi i pryvatyzacyi dziaržaŭnych ŚMI, a taksama admianić kryminalny pieraśled za paklop.
«Mianie vielmi raduje, što my dasiahnuli pryncypovaj zhody ab tym, što nieabchodna pastupova pierahladać i libieralizoŭvać zakanadaŭstva ŭ śfiery ŚMI», — skazała pradstaŭnik ABSIE.
Akramia hetaha, Mijatavič zaklikała ŭrad
pierahledzieć praceduru akredytacyi žurnalistaŭ zamiežnych ŚMI u Biełarusi.
«Na praciahu ŭžo peŭnaha času ja atrymlivaju šmat skarhaŭ jak ad žurnalistaŭ, jakija pracujuć u Biełarusi, tak i
Pavodle biełaruskaha zakona ab ŚMI «ažyćciaŭleńnie prafiesijnaj dziejnaści žurnalistaŭ zamiežnych srodkaŭ masavaj infarmacyi na terytoryi Respubliki Biełaruś biez akredytacyi zabaraniajecca».
Pavodle słoŭ Mijatavič, «pracedura akredytacyi žurnalistaŭ — absalutna lehitymnaja, jakaja pryniata ŭ mnohich krainach, ale jana nie pavinna vykarystoŭvacca jak pryłada, nakiravanaja na toje, kab nie dazvolić žurnalistam zajmacca svajoj pracaj».
Pradstaŭnik ABSIE paviedamiła, što ŭźnimała hetu prablemu ŭ razmovie ź ministram infarmacyi Pralaskoŭskim i pamočnikam prezidenta Jančeŭskim. «Mianie zapeŭnili, što z hetym raźbiarucca», — skazała jana.
Padčas sustrečy z kiraŭnikom CVK Jarmošynaj Mijatavič, pavodle jaje słoŭ, «vykazała svaju zaniepakojenaść prablemami, jakija isnujuć pry aśviatleńni vybarčych kampanij — adsutnaść pluralizmu ŭ ŚMI i niaŭklučanaść niaŭradavych arhanizacyj u pracu hramadskaha savieta pa miedyjnych sprečkach».
Pry hetym pradstaŭnik ABSIE ŭkazała na niekatoryja stanoŭčyja kroki — u tym liku mahčymaść praviadzieńnia kandydatami ŭ prezidenty teledebataŭ.
Adnak hetyja teledebaty nie pavinny padlahać mantažu i redahavańniu, padkreśliła jana.
BiełaPAN.
