Kala 11-j unačy viciebskija minaki zaŭvažyli, što nad tak zvanym «Sinim domam» – domam №28 pry vulicy Lenina – łunaje Bieł-Čyrvona-Bieły Ściah.
Miascovyja apazycyjanery Barys Chamajda i Alaksandar Sałaŭjan raspaviali, što nacyjanalny symbal byŭ prymacavany na dachu budynka da ličby «974», jakaja aznačaje datu zasnavańnia Viciebsku.
Pavodle spadara Chamajdy, da ściaha była prykładziena cydułka, padpisanaja imiem «Miron».
(Chamajda:) «Da ściaha była prymacavana cydułka: «Sa ściaham Kastusia Kalinoŭskaha my pieramožam!» Podpis – «Miron». Ściah, ja tak miarkuju, chvilin 5–7 dakładna pravisieŭ. Mažliva, niechta, zaŭvažyŭšy jaho, patelefanavaŭ i papiaredziŭ milicyju. A mažliva, što patrulnyja milicyjanty sami jaho zaŭvažyli – jany tut chadzili, pa hetaj vulicy».
Za niekalki chvilinaŭ, ciaham jakich Bieł-Čyrvona-Bieły Ściah łunaŭ nad vulicaj Lenina, žurnalisty tak i nie paśpieli jaho sfatahrafavać.
Ale j paśla taho, jak ściah źniali, milicejski patrul dziažuryŭ kala «Siniaha domu» usiu noč navylot, nie spadziejučysia na vuličnyja kamery videanahladu, ustalavanyja ŭ centry Viciebsku dziela aperatyŭnaha sačeńnia za paradkam. Praŭda, nieviadomaha «Mirona» milicyjantam adsačyć dy złavić tak i nie ŭdałosia.
