Hałoŭnym hierojem novaj sacyjalnaj rekłamnaj kampanii, meta jakoj — pryščapić imihrantam cikavaść da novaj radzimy i dapamahčy intehravacca ŭ hramadstva, stała niamieckaja mova. U naŭprostym sensie słova.
U rekłamnych materyjałach znakamitaści, jakija pradstaŭlajuć roznyja etničnyja mienšaści, jakija žyvuć u Hiermanii, pakazvajuć pierad abjektyvam kamiery jazyki, razmalavanyja ŭ kolery niamieckaha ściaha — čorny, čyrvony i załaty.
«Vykažysia. Ulisia ŭ žyćcio», — taki łozunh kampanii, jakuju finansuje Hiermanski fond intehracyi, zasnavany ŭ 2008 hodzie bujnymi niamieckimi vydaŭcami.
Siarod udzielnikaŭ akcyi — viadomy repier Olivier Charys, vykanaŭca
Da viečara piatnicy roliki i fota źjaŭlajucca ŭ efiry niamieckich telekanałaŭ i na staronkach drukavanych vydańniaŭ, u tym liku takich tyražnych, jak Bild i štodzionnaja hazieta Hurriyet, jakaja vychodzić na tureckaj movie.
Pakarańnie dla prahulščykaŭ
Intehracyja — hałoŭnaja tema kanfierencyi ŭ Bierlinie, na jakoj u sieradu staršynstvavała kancler Anhieła Mierkiel. U apošnija tydni kraina vielmi burna abmiarkoŭvaje hetuju prablemu, i debaty hetyja stali jašče bolš aktyŭnymi ŭ kastryčniku, kali sama Mierkiel skazała, što multykulturalizm u Hiermanii pravaliŭsia.
U krainie siońnia pražyvaje kala 15 młn pradstaŭnikoŭ etničnych mienšaściaŭ, u tym liku kala 4 młn musulman. Heta druhaja pa vieličyni — paśla Francyi — musulmanskaja abščyna ŭ Zachodniaj Jeŭropie.Pry hetym u Hiermanii z 2005 pravodziacca kursy pa intehracyi, na jakich imihrantam vykładajuć niamieckuju movu i raskazvajuć ab tradycyjach krainy.
Na vystupie na bierlinskim forumie kancler skazała, što dla realizacyi idei intehracyi patrebnyja kankretnyja mety i terminy; delehaty pahadzilisia z tym, što na praciahu hoda pavinien być padrychtavany ahulnanacyjanalny płan dziejańniaŭ u hetym kirunku.
Pry hetym Anhieła Mierkiel zhadała i ab tym, što imihranty, jakija admaŭlajucca naviedvać zaniatki pa intehracyi, buduć padviarhacca pakarańniu z boku dziaržavy.
Praŭda, ź idejami kanclera pahadzilisia nie ŭsie.
Tak, Kienan Kołat, staršynia arhanizacyi «Tureckaja abščyna ŭ Hiermanii», acaniŭ vystupleńnie kiraŭnika ŭrada jak «usiaho tolki manałoh». A mer Bierlina Kłaŭs Vovierajt paskardziŭsia na toje, što Mierkiel nie kazała pra «finansavańnie haradskoha raźvićcia, tak važnaha dla intehracyi».
