U paniadziełak hrodzienskija pamiežniki na kantrolnaj pamiežnaj pałasie ŭbačyli darožku śladoŭ čałavieka, jaki, padobna, pierasoŭvaŭsia basanož ź Biełarusi ŭ Litvu.
Chutka ad litoŭskich kaleh pryjšła infarmacyja pra zatrymańnie hramadzianina Biełarusi biez dakumientaŭ. Jak vyśvietliłasia, biełaruskija pamiežniki dobra viedali mužčynu — jaho nieadnarazova zatrymlivali na miažy, jon maje 8 sudzimaściaŭ. Apošniuju — za kradziež i zachavańnie narkotykaŭ. Na volu vyjšaŭ u vieraśni, a ŭ kastryčniku parušalnika zatrymali za sprobu nielehalna pierakročyć miažu. Tady jaho tolki papiaredzili i abaviazali zapłacić štraf. Zaraz u adnosinach da parušalnika miažy litoŭski bok zavioŭ kryminalnuju spravu.
0
0
0
0
0
0
