U najbližejšyja 20 hadoŭ u Biełarusi praciahłaść aciaplalnaha pieryjadu moža pamienšycca na 4–8 dzion. Heta — adzin z vynikaŭ daśledavańnia biełaruskaha ekśpierta Mikałaja Kryžanoŭskaha pa pytańniach adaptacyi da źmienlivaha klimatu,
jakoje pradstaŭlena ŭ materyjałach mižnarodnaj kanfierencyi «Analiz i pierśpiektyvy vuhlarodnaha finansavańnia» ŭ Minsku.
Pa raźlikach ekśpierta, u suviazi sa źmienaj klimatu ŭ Biełarusi źjaviacca ŭmovy dla pamianšeńnia spažyvańnia ciepłavoj i elektraenierhii. Pry hetym dla dasiahnieńnia realnaj ekanomii nieabchodna stvareńnie efiektyŭnych sistem aŭtamatyčnaha rehulavańnia padačy ciapła.
Jak śćviardžaje ekśpiert, rost kolkaści pierachodaŭ tempieratury pavietra praz 0°S u spałučeńni z pavieličeńniem vadkich apadkaŭ u chałodny čas hoda pryviadzie da paskoranaha stareńnia budynkaŭ i pabudoŭ. Heta zapatrabuje dadatkovaha pavieličeńnia ekspłuatacyjnych vydatkaŭ. Dla rašeńnia prablemy nieabchodna vykarystańnie ŭ budaŭnictvie materyjałaŭ, raźličanych na pavialičany lik cykłaŭ zamarožvańnia i adtavańnia. Akramia taho, metazhodna pavysić patrabavańni da ciepłavoj abarony budynkaŭ.
Pavodle vynikaŭ daśledavańnia,
u Biełarusi taksama adbyŭsia zruch na poŭnač ahraklimatyčnych zon, na poŭdni Bresckaj vobłaści i ŭschodzie Homielskaj stvaryłasia novaja ahraklimatyčnaja zona.
U suviazi z hetym nieabchodnaja karekciroŭka hrafika pasadki i ŭborki ŭradžaju, vyviadzieńnie i raźvićcio novych hatunkaŭ ciepłalubivych, vietraŭstojlivych kultur. Prapanoŭvajecca pradoŭžyć na poŭnač zonu vyroščvańnia ciepłalubivych aharodninnych kultur, pašyryć płoščy apracoŭki jaravoha rapsu, kukuruzy i soi.
U dakładzie ekśpierta havorycca taksama pra źmienu składu lasoŭ.
U lasnoj haspadarcy, akramia inšaha, prapanoŭvajecca nadać uvahu baraćbie z pažarami i ich papiaredžańniu. U adaptacyi da źmieny klimatu taksama maje patrebu siektar kiravańnia vodnymi resursami, enierhietyki i transpartu.
Jak ličyć nacyjanalny ekśpiert pa pytańniach klimatu, nacyjanalny
