15 listapada staršy śledčy pa asabliva važnych spravach Hienieralnaj prakuratury Śviatłana Bajkova i jaje abarona skončać znajomicca z materyjałami rasśledavańnia.
Ab hetym paviedamiŭ advakat prakurorskaha rabotnika Michaił Vołčak.
Pavodle jaho słoŭ, paśla hetaha sprava budzie nakiravana ŭ prakuraturu, jakoj treba budzie pryniać rašeńnie abo ab nakirunku materyjałaŭ u sud, abo ab nakirunku ich na daśledavańnie, ci ab niejkich inšych dziejańniach. Jakija kroki maje namier raspačać u chutkim časie abvinavačanaja i jaje abarona, advakat havaryć nie staŭ. Pavodle jaho słoŭ, na hetuju temu im jašče treba budzie prakansultavacca.
Adkazvajučy na pytańnie ab stanie zdaroŭja padabaronnaj, Michaś Vołčak nazvaŭ jaho «stabilnym» i «na ŭzroŭni».
Nahadajem, termin utrymańnia Śviatłany Bajkovaj pad chatnim aryštam zakančvajecca 20 listapada.
Śviatłana Bajkova była zatrymana supracoŭnikami KDB 25 lutaha na pracoŭnym miescy pa padazreńni ŭ pieravyšeńni ŭłady. Pavodle aficyjnaj infarmacyi, kryminalnyja spravy ŭ dačynieńni da jaje staršynia KDB Vadzim Zajcaŭ raspačaŭ 24 lutaha pa prykmietach składu złačynstvaŭ, praduhledžanych artykułami 399 (niezakonnaje vyzvaleńnie ad kryminalnaj adkaznaści) i 426 (pieravyšeńnie ŭłady ci słužbovych paŭnamoctvaŭ) Kryminalnaha kodeksa.
