Ukazam prezidenta Ukrainy Viktara Janukoviča zvolnieny mer Kijeva Leanid Čarnaviecki. Novym kiraŭnikom horada pryznačany Alaksandr Papoŭ.
Leanid Čarnaviecki šyroka viadomy pad mianuškaj «Lonia-Kosmas». Jana adlustroŭvaje «inšapłanietnaść» mera, jaho dzivakavataść, nieardynarnyja ŭčynki i zajavy, adarvanaść ad realnaha žyćcia i niaskładnuju havorku.
Mianuška była dadziena jamu paśla publičnaj zajavy pra namier lacieć u kosmas sa svaim katom.
Mer byŭ schilny da ekstravahantnych učynkaŭ i vykazvańniaŭ. Naprykład, paśla ŭstupleńnia na pasadu mera Kijeva, Leanid Čarnaviecki zajaviŭ, što pravieryć svaich padnačalenych na detektary chłuśni.
U lutym 2009 hady byŭ apublikavany prajekt jaho pastanovy, pavodle jakoha zašklonyja haŭbcy, kandycyjaniery i spadarožnikavyja anteny ličacca raskošaj, i padlahajuć abkładańniu padatkam.
Jon prapanoŭvaŭ manapalizavać śfieru viasielnaj fatahrafii z mahčymaściu davać u arendu maładym aŭtamabili z haraža Kijeŭskaj haradministracyi i sfatahrafavacca z meram.
0
0
0
0
0
0