Pra heta zajaviŭ prem`jer-ministr Biełarusi Siarhiej Sidorski, vystupajučy 17 listapada na Biełaruskim inviestycyjnym forumie ŭFrankfurcie-na-Majnie .
Pavodle słoŭ prem`iera, u Biełarusi praviedziena vialikaja praca pa źmianieńni zakanadaŭstva dla palapšeńnia ŭmoŭ viadzieńnia biźniesu i spryjalnaha inviestycyjnaha klimatu.
Sidorski, u pryvatnaści, źviarnuŭ uvahu na spraščeńnie pracedury adkryćcia biźniesu.
«Zatraty na adkryćcio biźniesu źnižanyja ŭ dzieviać razoŭ, patrabavańni da statutnych fondaŭ — u try razy», — skazaŭ jon.
U vyniku, śćviardžaje prem`ier, adkryć biźnies u Biełarusi možna za piać dzion i ažyćciavić usiaho piać pracedur. Dla paraŭnańnia Sidorski pryvioŭ Rasiju, dzie hetyja pakazčyki składajuć 30 dzion i dzieviać pracedur, a taksama Ukrainu — 27 dzion i dzieviać pracedur.
Palepšanyja i ŭmovy dopusku pryvatnych inviestaraŭ da ziamielnych učastkaŭ, zajaviŭ Sidorski. Pavodle jaho słoŭ, inviestar moža pa pryncypu adnaho akna prajści ŭsie pracedury i ŭzhadnieńni dla atrymańnia ziamielnych učastkaŭ. «My ŭziali ŭsio lepšaje ŭ hetaj častcy, što jość u Jeŭropie», — zaŭvažyŭ kiraŭnik urada.
Vialikija źmianieńni, adznačyŭ jon, adbylisia taksama ŭ častcy spraščeńnia padatkovaha zakanadaŭstva i spraščeńnia padatkovaj nahruzki na biźnies.
Z 1 studzienia 2011 hoda ŭ Biełarusi buduć dziejničać tolki piać asnoŭnych padatkaŭ, skazaŭ Sidorski.
«My vyjdziem na zusim prostuju padatkovuju sistemu. Jana pa składzie padatkaŭ i zboraŭ faktyčna nie budzie adroźnivajecca ad jeŭrapiejskaj padatkovaj sistemy», — padkreśliŭ prem`
Siarhiej Sidorski ŭkazaŭ na «biesprecedentnyja miery», pryniatyja ŭ Biełarusi pa dekłaravańni kapitału. «My budziem vitać prychod lubych inviestycyj u krainu i bankaŭski siektar. U inviestycyjnym kodeksie my harantujem inviestaram samastojnaje rasparadžeńnie prybytkam, jaki jany mohuć reinviestavać abo bieśpieraškodna vyvozić za miažu pa svaim mierkavańni», — zajaviŭ jon.
Kiraŭnik urada taksama paviedamiŭ, što ŭ metach spraščeńnia pracy ź inviestarami i stvareńnia dla ich spryjalnych umoŭ u krainie stvorana ahienctva pa inviestycyjach i pryvatyzacyi.