Za studzień-vierasień 2010 hoda ŭ realny siektar ekanomiki (akramia bankaŭ) Biełarusi zamiežnyja inviestary ŭkłali $6,3 młrd inviestycyj, što na 6,5% mienš, čym za studzień-vierasień 2009, paviedamlaje Biełstat.
Asnoŭnymi inviestarami byli subjekty haspadarańnia Rasii (72,1% ad usich inviestycyj), Aŭstryi (10%), Niderłandaŭ (4,2%), Kipra (3,5%), Złučanaha Karaleŭstva (3%).
Niepasrednyja zamiežnyja inviestycyi skłali $3,9 młrd i pavialičylisia na 8% u paraŭnańni sa studzieniem-vieraśniem 2009 h. Inšych zamiežnych inviestycyj atrymana $2,4 młrd, što na 23% bolš, čym za studzień-vierasień 2009 h.
Čystaje adabrańnie zamiežnych inviestycyj za studzień-vierasień 2010 hoda skłała $3,2 młn. suprać $703,7 młn čystaha pastupleńnia ŭ studzieni-vieraśni 2009.
Čystaje pastupleńnie niepasrednych zamiežnych inviestycyj skłała $199,9 młn, što na 59,1% mienš, čym u studzieni-vieraśni 2009.
Pa partfielnych zamiežnych inviestycyjach čystaje adabrańnie za studzień-vierasień 2010 hoda skłała $340,7 tys. (za studzień-vierasień 2009 h. — $72,7 tys.). Pa inšych zamiežnych inviestycyjach za studzień-vierasień 2010 čystaje adabrańnie skłała $202,8 młn suprać $214,5 čystaha pastupleńnia za studzień-vierasień 2009.
Z $6,3 młrd zamiežnych inviestycyj arhanizacyjami respubliki było vykarystana 40,9%. Niavykarystanyja zamiežnyja inviestycyi ŭ studzieni-vieraśni 2010 skłali 3,7 młrd. dalaraŭ ZŠA, abo 59,1% ahulnaha abjomu inviestycyj.
afn.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
