Pucin zrabiŭ Sidorskamu «adnu maleńkuju zaŭvahu» 5

Rasijskaja biazmytnaja nafta całkam zakryvaje ŭnutranyja patreby biełaruskaj ekanomiki, zajaviŭ prem'jer-ministr RF Uładzimir Pucin 19 listapada ŭ Sankt-Pieciarburhu na pres-kanfierencyi paśla zakančeńnia pasiadžeńniaŭ Rady kiraŭnikoŭ uradaŭ SND, Miždziaržrady JeŭrAzES i vyšejšaha orhana Mytnaha sajuza.

«Nakont źmianieńniaŭ umoŭ pastavak rasijskaj nafty na biełaruski rynak. Vy viedajecie, što my damovilisia letaś i vykonvajem usie hetyja abaviazacielstvy. My całkam zakryvajem unutranyja patreby biełaruskaj haspadarki biazmytnymi pastaŭkami našaj syroj nafty — unutranyja patreby poŭnaściu zakrytyja pastaŭkami rasijskaj nafty na biełaruski rynak biez pošlin», — zajaviŭ Pucin.

Kamientujučy remarku žurnalista, što Ekanamičny sud SND niadaŭna rekamiendavaŭ rasijskamu ŭradu paskoryć razhlad pytańnia ab časovym nieźbirańni pošliny na naftapradukty, što pastaŭlajucca ŭ Biełaruś, prem'jer-ministr adznačyŭ: «Vy pravilna skazali: „Sud rekamiendavaŭ paskoryć“. Heta ž rekamiendacyja, heta nieabaviazkovaje rašeńnie.

Pry farmavańni suda JeŭrAzES, — a my tam unosim adpaviednyja źmianieńni, — my nadajom jaho rašeńniam bolš dziejsny charaktar, i spadziajomsia, što heta ŭsio zapracuje. Siońnia heta rekamiendacyja. My hatovyja da jaje prysłuchacca, my hatovyja hetyja pytańni razhledzieć. Ja vas zapeŭnivaju, što, — siońnia my havaryli, i ciapier u nas sustreča ź Siarhiejem Siarhiejevičam Sidorskim, — my praciahniem hetuju dyskusiju. Razam z tym i biełaruski bok viedaje našu pazicyju. My zychodzim z taho, što raniej padpisanyja kantrakty pavinny vykonvacca».

Prem'jer-ministr Biełarusi Siarhiej Sidorski zajaviŭ, što, vykonvajučy rašeńnie Ekanamičnaha suda SND, jon va ŭstanoŭlenym paradku źviarnuŭsia da Pucina «z prapanovaj da vyrašeńnia sprečki pa vychadzie na 1 studzienia 2011 hoda pryniać rašeńnie ab admienie pošlin, što źbirajucca Rasijskaj Fiederacyjaj na naftapradukty i pradukty chimii, što pastaŭlajucca ŭ Biełaruś». «I my siońnia paśla kanfierencyi budziem abmiarkoŭvać hetaje pytańnie — prynamsi

pazicyja rasijskaha boku zaklučajecca ŭ tym, kab na 1 studzienia 2011 hoda pry padpisańni ŭsich dakumientaŭ pa stvareńni Adzinaj ekanamičnaj prastory vyjści na abnuleńnie takich pošlin», — zajaviŭ Sidorski.

«Naturalna, pazicyja biełaruskaha boku zaklučajecca ŭ tym, kab z ulikam taho, što my niasiom značnyja straty na našych chimičnych pradpryjemstvach, jakija pracujuć pa praduktach naftachimii, my, kaniešnie, źviarnulisia z takoj prośbaj, naša prośba zastajecca ŭ sile», — dadaŭ kiraŭnik biełaruskaha ŭrada.

Na heta Pucin zrabiŭ «adnu maleńkuju zaŭvahu»: «My damovilisia ab mahčymaści admieny vyvaznych mytnych pošlin na naftu syruju nie pry padpisańni ŭsiaho pakieta dakumientaŭ pa AEP, a pry ratyfikacyi hetaha pakieta».

Stenahrama pres-kanfierencyi apublikavana na sajcie rasijskaha ŭrada.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH