«Rasija zaŭsiody paśladoŭna padtrymlivała załučeńnie Biełarusi ŭ roznyja jeŭrapiejskija arhanizacyi», — zajaviŭ ministr zamiežnych spraŭ RF Siarhiej Łaŭroŭ, adkazvajučy na pytańni žurnalistaŭ paśla sumiesnaha pasiadžeńnia kalehij MZS Biełarusi i Rasii 23 listapada ŭ Minsku.
«My zajmajem hetuju pazicyju pryncypova, a nie kanjunkturna, — padkreśliŭ Łaŭroŭ. — My padtrymlivajem usie zajavy Biełarusi pra ŭdzieł, u tym liku ŭ dziejnaści Savieta Jeŭropy i «Paŭnočnaha vymiareńnia».
Pavodle słoŭ ministra, Rasija dalokaja ad žadańnia «kahości ŭ čymści strymlivać». «Heta nie naša pazicyja. Śviet mianiajecca, a biełaruski bok hatovy supracoŭničać z usimi na ŭzajemavyhadnych umovach», — adznačyŭ Łaŭroŭ.
Havoračy ab pytańniach, što vynosiacca na najbližejšy samit dziaržaŭ — členaŭ ADKB (jon pavinien prajści ŭ śniežni. — BiełaPAN.), kiraŭnik źniešniepalityčnaha viedamstva RF zajaviŭ: u Biełarusi i Rasii «tut nie prosta kansiensus, my vystupajem z sumiesnymi inicyjatyvami».
U svaju čarhu ministr zamiežnych spraŭ Biełarusi Siarhiej Martynaŭ rastłumačyŭ: hetyja inicyjatyvy tyčacca śfier vajennaj biaśpieki, humanitarnaha supracoŭnictva, zabieśpiačeńnia bałansu ŭ pracy ABSIE, nazirańnia za vybarami i dziejnaści Biuro pa demakratyčnych instytutach i pravach čałavieka ABSIE.
