Alaksandr Łukašenka 30 listapada nakiravaŭsia z rabočym vizitam u Kazachstan dla ŭdziełu ŭ samicie ABSIE, jaki projdzie ŭ Astanie 1–2 śniežnia. Pavodle infarmacyipres-słužby prezidenta Biełarusi, zapłanavana vystupleńnie Łukašenki na plenarnym pasiadžeńni samita.
Jak paviedamiŭ 25 listapada na bryfinhu ŭ Minsku
Savinych padkreśliŭ, što ŭ farmacie samita pradstaŭniki ABSIE nie źbiralisia bolš čym 10 hadoŭ. Pavodle jaho słoŭ, padčas padrychtoŭki da hetaha forumu biełaruski bok adznačaŭ nieabchodnaść adaptacyi ABSIE da novych hieapalityčnych realij, abnaŭleńnia jaje prahramnaha instrumientaryja, najpierš u śfiery jeŭrapiejskaj biaśpieki.
«Biełaruski bok raźličvaje, što sustreča na vyšejšym uzroŭni paskoryć praces afarmleńnia ABSIE ŭ jakaści paŭnavartasnaj arhanizacyi sa svaim statutam», — skazaŭ Savinych. Jon padkreśliŭ, što asablivuju ŭvahu Biełaruś nadaje dziejnaści ABSIE ŭ śfiery ekanamičnaha raźvićcia, achovy navakolnaha asiarodździa, uklučajučy enierhabiaśpieku krain — členaŭ arhanizacyi i rehijonu ŭ cełym.
Biełaruś źjaŭlajecca paŭnapraŭnym udzielnikam ABSIE z 30 studzienia 1992 hoda. Pry ŭstupleńni ŭ ABSIE Biełaruś dałučyłasia da takich dakumientaŭ, jak Chielsinski zaklučny akt 1975 hoda i Paryžskaja chartyja dla novaj Jeŭropy 1990 hoda.
