Kandydat Viktar Ciareščanka na hety raz pryjšoŭ u studyju z hrafikami. Z ukazkaj tłumačyŭ ludziam, što na hetych hrafikach namalavana. Heta nadavała jamu niejkuju hruntoŭnaść.
Znoŭ časam hladzieŭ ubok ad kamiery. Na hety raz byŭ u akularach.
Skazaŭ, što svaju ekanamičnuju prahramu raspracoŭvaŭ hadami.
Pabudavaŭ svoj vystup u formie pytańniaŭ i adkazaŭ, jak Michalevič.
Znoŭ ź pierakonvańnia, što Biełarusi patrebnaja mocnaja nacyjanalnaja valuta. «Z ulikam denaminacyj biełaruski rubiel abiasceniŭsia ŭ dačynieńni da dalara ŭ 4 000 razoŭ. Kuplajučy dalary, my pracujem nie na siabie, a na suśvietnych bankiraŭ», — skazaŭ Ciareščanka.
Kazaŭ ab roście daŭhoŭ. «U nas stratehija adstałych dziaržaŭ, jakimi kiruje zamiežny kapitał. Kali Biełaruś pojdzie pa hetym šlachu, to chutka atrymajem takija prablemy, jakija jość u ZŠA, Jeŭropy», — skazaŭ kandydat.
«Nam treba zabiaśpiečyć svaju valutnuju biaśpieku. Jaje možna zabiaśpiečyć za košt akcyj pradpryjemstvaŭ, što jašče nie pradali. Heta aktyvy lepšyja za zołata. Zrobim svoj rubiel zabiaśpiečanym i svabodna kanviertavanym. Z kursam try rubli da dalara», — pierakonvaŭ V.Ciareščanka.
«Biełaruskija banki stanuć chutka raści. Kredyty buduć pad 2‑3% hadavych. Akcyi pradpryjemstvaŭ buduć pradavacca rabočym, bankam, zamiežnikam, ale za biełaruskija hrošy. Za piać‑siem hadoŭ, a to i raniej, vyjdziem da dalara pa kursie 1 da 1. My spynim rost cenaŭ, a zarobki i piensii dasiahnuć jeŭrapiejskaha ŭzroŭniu».
Skazaŭ, što pradstaŭlaŭ svaju prahramu ŭradu i jana była zaćvierdžanaja.
Prapanavaŭ źmiaścić svajo fota na kupiury ŭ adzin rubiel, kab nibyta havaryć: «Biełaruskaja valuta — samaja nadziejnaja ŭ śviecie». «Kali ja nie vykanaju hetaje abiacańnie, to sydu z pasady prezidenta».
Paabiacaŭ, što kali jaho abiaruć prezidentam, to hramadzianie nie buduć bajacca 2 studzienia devalvacyi.
Skazaŭ, što pra kanstytucyjnuju reformu havaryŭ niamnoha, bo mała času vydzialajecca na BT, a miesca ŭ hazietach taksama limitavanaje. Ciareščanka kaža, što takija pytańni možna razhladać tolki na refierendumach.
Kaža, što siońniašni palityčny ład viadzie Biełaruś da ekanamičnaha kałapsu, a ludzi jak statysty ŭ hetaj situacyi.
Zasiarodziŭsia na tym, što demakratyja vielmi važnaja dla dziaržavy.
Ciareščanka kaža, što budavać «sajuznuju dziaržavu» biez narodu, biez damoŭ prezidentaŭ, biez kanstytucyjnaha aktu niepravamocna.
Znoŭ kazaŭ pra nieabchodnaść raździaleńnia vykanaŭčaj, zakanadaŭčaj i sudovaj sistem krainy. Admienu kantraktnaj sistemy.
Cytavaŭ Janku Kupału «pra viekavuju maru biełarusaŭ ludźmi zvacca».
Kaho pryznačyć premjer‑ministra, nie skazaŭ. Ciareščanka kaža, što staŭleńnie da inšych kandydataŭ absalutna pavažlivaje, bo jany majuć ahramadny patencyjał. «Kožnamu ź ich ja ščyra abiacaju: kožnamu ź ich, i dziejsnamu prezidentu, budzie pradstaŭlena adkaznaja pasada ŭ dziaržavie».
«Dachody na siale buduć nie nižejšyja, čym u horadzie. Pavysim status navukoŭcaŭ, piedahohaŭ, robotnikaŭ kultury i miedycyny. Piensijny ŭzrost pavialičvać nie budziem, ale dla žadajučych pracavać na piensii zrobim lhoty», — abiacaje kandydat.
Abiacaje lhoty studentam i internaty dla inšaharodnich. Uspomniŭ pra stratu hrošaj pa ablihacyjach u pačatku 1990‑ych. Abiacaje vyrašyć hetuju prablemu ciaham 2‑3 hadoŭ.
