4 listapada ŭ Muzei historyi biełaruskaha kino raspačałasia prahrama «Drakuła Brema Stokiera ŭ kiniematohrafie XX stahodździa». Prahrama ładzicca ŭ miežach rubryki «Panarama žanravaha kino» – i pryśviečanaja adnamu z samych znakamitych kinapersanažaŭ. U listapadaŭskija suboty pakažuć siem klasyčnych filmaŭ kinadrakulijany.
Hledačy ŭžo paznajomilisia ź šedeŭram-niamkom Frydrycha Vilhielma Murnaŭ «Nasferatu, symfonija žachu» i stužkaju Toda Braŭninha «Drakuła» 1931 hodu z Bełam Łuhošy.
11 listapada adbudziecca pakaz małaviadomych u nas karcinaŭ «Dačka Drakuły» Łamberta Chiljera i «Syn Drakuły» Roberta Śjodmaka. 18 listapada planujecca niamiecki film Vernera Hercaha «Nasferatu, symfonija načy» 1979 hodu. A na 25-ha pryznačanyja «Drakuła Brema Stokiera» Frensisa Forda Kopały j parodyja Meła Bruksa «Drakuła miortvy j zadavoleny». Dźvie apošnija stužki časam demanstravalisia pa televizii.
Muzej biełaruskaha kino źbirajecca j nadalej znajomić hledačoŭ z suśvietnaj klasykaj aŭtarskaha – i žanravaha kino.
11 listapada seansy a 14.00, 15.30, 18.00, 19.30.
18-ha – 14.00 i 18.00.
25-ha – 14.00, 16.30, 18.00.
Adras muzeju: Miensk, Płošča Niezaležnaści, vuł.Śviardłova, 4.
Telefon dla daviedak: 227-10-75.