Na prezidenckija vybary akredytavana 17,8 tysiačy ŭnutranych i 567 mižnarodnych naziralnikaŭ

U kamisijach pa vybarach prezidenta pa stanie na 6 śniežnia akredytavana 17.885 unutranych naziralnikaŭ, paviedamili BiełaPAN u Centrvybarkamie.

Pry Centralnaj kamisii akredytavana šeść naziralnikaŭ, u terytaryjalnych kamisijach — 673, va ŭčastkovych — 17.206.

Najbolšaja kolkaść naziralnikaŭ vyłučana hramadskimi abjadnańniami

— 11.987. Samyja aktyŭnyja ŭ hetym płanie Biełaruski respublikanski sajuz moładzi — 2.938, Fiederacyja prafsajuzaŭ Biełarusi — 2.663, Biełaruskaje hramadskaje abjadnańnie vieteranaŭ — 2.186 čałaviek, RHA «Biełaja Ruś» — 2.155.

Hramadzianie šlacham padačy zajaŭ vyłučyli 2.904 naziralniki, pracoŭnyja kalektyvy — 2.070.

Palityčnyja partyi pakul vyłučyli 924 naziralniki,

u tym liku Kamunistyčnaja partyja Biełarusi — 524, Biełaruskaja ahrarnaja partyja — 122, Respublikanskaja partyja pracy i spraviadlivaści — 98, Biełaruskaja sacyjalna-spartyŭnaja partyja — 86, Respublikanskaja partyja — 73, Partyja BNF — šeść, Biełaruskaja sacyjał-demakratyčnaja Hramada i Abjadnanaja hramadzianskaja partyja — pa piać, Biełaruskaja partyja levych «Spraviadlivy śviet» i Biełaruskaja sacyjał-demakratyčnaja partyja (Hramada) — pa dva, Biełaruskaja patryjatyčnaja partyja — adnaho.

Akramia taho, Centrvybarkam akredytavaŭ 567 mižnarodnych naziralnikaŭ. 255 ź ich pradstaŭlajuć misiju Biuro pa demakratyčnych instytutach i pravach čałavieka ABSIE, 234 — misiju SND, 35 — Mižparłamienckuju asambleju SND, 21 — centrvybarkamy zamiežnych krain, 10 — Parłamiencki schod Sajuza Biełarusi i Rasii, pa šeść — Pastajanny kamitet Sajuznaj dziaržavy i Parłamienckuju asambleju ABSIE.

0

0

0

0

0

0

Siarhiej Karalevič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH