Apieratar mabilnaj suviazi life:) abaraniŭ u sudzie prava nazyvać svaju
Pavodle jaje słoŭ, 7 śniežnia Vyšejšy haspadarčy sud Biełarusi svaim rašeńniem u poŭnym abjomie zadavoliŭ patrabavańni ZAT «BieST»
ab pryznańni niesapraŭdnym pradpisańnia Ministerstva handlu spynić rekłamu kampanii z frazaj «Najbujniejšaja sietka 3G u Biełarusi».
Sudovy razhlad pa hetaj spravie doŭžyŭsia bolš za miesiac. Kamientujučy jaho vyniki, hienieralny dyrektar mabilnaha apieratara life:) Azdžan Ermiš adznačyŭ, što sud usiebakova i poŭna razhledzieŭ spravu. «I pryniaŭ abhruntavanaje, spraviadlivaje, zasnavanaje na normach dziejnaha zakanadaŭstva, adzina dakładnaje rašeńnie ŭ hetym pytańni. Kryteryi, jakija byli pryniatyja da ŭvahi: kolkaść bazavych stancyj 3G, heta kolkaść nasielenych punktaŭ i karystalnikaŭ, pakrytych sietkaj 3G life:).
Naša3G-sietka sapraŭdy najbujniejšaja ŭ krainie. Na 1 śniežnia hetaha hoda sietka 3G life:) zabiaśpiečvaje jakasny sihnał u 96 nasielenych punktach Biełarusi», — skazaŭ Ermiš.
Rašeńnie suda nabyło zakonnuju moc z momantu abjaŭleńnia.
***
ZAT «Biełaruskaja sietka telekamunikacyj» (life:)) było zarehistravana 5 listapada 2004 hoda. Paśla padpisańnia kantrakta 29 lipienia 2008 hoda ŭvajšło ŭ mižnarodnuju hrupu kampanij Turkcell. Ciapier zasnavalnikami kampanii «BieST» vystupajuć Turkcell Group (80%) i Ministerstva suviazi i infarmatyzacyi Biełarusi (20%).
