Rasiejskija vajskovyja abjekty, raźmieščanyja ŭ Biełarusi, nia mohuć być pradmietam handlu ŭ pytańni cenaŭ na haz i inšyja enerhanośbity. Pra heta zajaviŭ siońnia ŭ interviju žurnalistam ministar abarony Respubliki Biełaruś Leanid Malcaŭ.
«U biełaruskich vajskoŭcaŭ zaŭsiody było i jość poŭnaje ŭzajemarazumieńni z rasiejskimi kalehami. Vajskovaja biaśpieka – zanadta surjoznaja tema, i jana nia moža być pradmietam torhu. Rasiejskija vajskovyja abjekty, raźmieščanyja na terytoryi našaj krainy, nichto nie čapaje, bo jany słužać dziela zabieśpiačeńnia i ŭmacavańnia biaśpieki dźviuch dziaržavaŭ», – skazaŭ Leanid Malcaŭ.
Pakolki navinu padaje ahienctva BiełTA, heta varta interpretavać jak sprobu źmiakčyć ton u biełaruska-rasiejskich adnosinach napiaredadni sustrečy kiraŭnikoŭ Biełarusi j Rasiei ŭ Maskvie. Zadača hetaja addadzienaja vajskoŭcu — mienavita vajskovaje łobi ŭ Maskvie tradycyjna adstojvaje preferencyi dla biełaruskaha sajuźnika.
