Eks-prezident SSSR Michaił Harbačoŭ i Ŭpaŭnavažany pa pravach čałavieka ŭ RF Uładzimier Łukin źviarnulisia da prezydenta Biełarusi Alaksandra Łukašenki z prośbaj vyzvalić žurnalistku «Novaj hazety» Irynu Chalip, jakaja była zatrymanaja ŭ chodzie šeścia 19 śniežnia paśla prezydenckich vybaraŭ.
«Michaił Siarhiejevič nakiravaŭ biełaruskamu prezydentu list, dzie paprasiŭ vyzvalić Irynu, pryvioŭšy adpaviednyja dovady», — paviedamili «Interfaksu» ŭ pres-słužbie«Harbačoŭ-fondu».
U svaju čarhu ŭ pres-słužbie Łukina raspaviali, što ambudsmen u svaim liście da A.Łukašenki «źviartaje ŭvahu i na čałaviečy faktar sytuacyi».
«Usia sprava ŭ tym, što ŭ Iryny jość trochhadovaje dzicia, jakoje ciapier znachodzicca na apiecy jaje pažyłych baćkoŭ. Bo muž žurnalistki eks-kandydat u prezydenty Biełarusi taksama zatrymany. Biezumoŭna, takuju sytuacyju z maleńkim dziciom nielha nia ŭličvać «, — adznačyŭ surazmoŭca «Interfaksu».
Radyjo «Svaboda»
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
