Vyrašeńnie pytańnia ab budaŭnictvie AES zaciahvajeccaz-za biełaruskaha boku,
zajaviŭ 23 śniežnia na
Pavodle jaho słoŭ, usie dakumienty ŭ častcy budaŭnictva AES znachodziacca ŭ vysokaj stupieni hatoŭnaści: «Ciapier miač na baku biełaruskich enierhietykaŭ. Jany ŭsio padpisali, usio ŭzhadnili, jość podpis ministra, ale znoŭ štości treba».
Surykaŭ padkreśliŭ, što pieršaja zadača Rasii — pabudavać AES siłami kampanii «Atambudekspart» i dać kredyt na hetyja mety. Druhaja zadača — zrabić tak, kab budučaja biełaruskaja atamnaja stancyja i Bałtyjskaja AES, jakaja budujecca Rasijaj, nie stali kankurentami na budučym rynku.
«Takoje moža adbycca. Tamu my stavim pytańnie ab stvareńni SP pa zbycie elektraenierhii z terytoryi Biełarusi na zachodnija rynki. Heta dapamahło b paźbiehnuć kankurencyi», — skazaŭ Surykaŭ.
Jon dadaŭ, što hetaje pytańnie ŭžo poŭnaściu ŭzhodniena pamiž bakami,
«ale zaraz iznoŭ zadumalisia».
Taksama Surykaŭ zakranuŭ pytańnie supracoŭnictva Biełarusi i ZŠA ŭ atamnaj śfiery.
Nahadajem, 1 śniežnia dziaržsakratar ZŠA Chiłary Klintan i ministr zamiežnych spraŭ Biełarusi Siarhiej Martynaŭ u sumiesnaj zajavie, pryniataj u Astanie, paćvierdzili prychilnaść svaich krain spravie jadziernaj biaśpieki i jadziernaha nieraspaŭsiudžańnia.
Biełaruś, u pryvatnaści, pryniała rašeńnie ab likvidacyi ŭsich svaich zapasaŭ vysokaŭzbahačanaha ŭranu i maje namier ažyćciavić heta da nastupnaha samitu pa jadziernaj biaśpiecy ŭ 2012 hodzie.
ZŠA ŭ svaju čarhu zajavili pra namier akazać techničnuju i finansavuju dapamohu dla mahčyma najchutčejšaha ažyćciaŭleńnia hetych mier.
Razam z tym Surykaŭ adznačyŭ, što rasijskija AES pakul nie pracujuć na nizkaŭzbahačanym uranie. «Heta novaja technałohija jašče pakul nie tyražavałasia. Treba spačatku pahladzieć, što heta takoje», — skazaŭ pasoł.
