«Hazprom» hatovy źnizić dla Biełarusi canu na haz tolki z 2012 hoda.
Cana na haz dla Biełarusi ŭ 2011 hodzie składzie $ 230 za 1 tys. kubamietraŭ, jak i praduhledžana dziejnym kantraktam, paviedamiŭ u piatnicu namieśnik staršyni praŭleńnia "Hazproma" Valery Hołubieŭ. Hety dakumient praduhledžvaje prymianieńnie panižalnaha kaeficyjenta da cany rasiejskaha hazu: u 2010 hodzie tysiača kubamietraŭ abychodziłasia ŭ $ 187. Ale z 1 studzienia 2011 hoda dziejańnie kaeficyjenta spyniajecca, bo Biełaruś na praciahu niekalki miesiacaŭ nastojliva prasiła pierahledzieć ŭmovy. Ale «Hazprom» na sastupki nie pajšoŭ. «Biełaruś nie vykazvaje haračaha aptymizmu pa canie, -- pryznaŭ Hołubieŭ. -- Adnak nielha kožny hod pierahladać kantrakt pa svaim žadańni».
«Hazprom» hatovy źnizić canu na haz dla Minska tolki praz hod. Pa słovach Hołubieva, kantrakt na 2012 hod budzie padpisvacca ŭžo «na inšych pryncypach, apisanych u pakiecie dakumientaŭ, źviazanych sa stvareńniem Adzinaj ekanamičnaj prastory".
Cana nie budzie roŭnaja ŭnutryrasijskaj (poŭny pierachod na roŭnyja ceny dla Rasii i Biełarusi płanujecca ŭ 2015 hodzie), a budzie raźličvacca pa formule «siaredniejeŭrapiejskaja cana minus myty i košt transpartu».
Kali brać za asnovu canu 2011 hoda, dyk z ulikam hetaha vyliku cana dla Biełarusi moža źnizicca prykładna da $ 200 za 1 tysiaču kubamietraŭ.
Biełaruś letaś zakupiła 21.100.000.000 kuboŭ rasijskaha hazu, u 2010-2011 hadach, pa prahnozach rynku, abjomy zakupak składuć kala 22.000.000.000 kuboŭ. Heta značyć, u nastupnym hodzie Biełarusi daviadziecca zapłacić prykładna $ 5 młrd.
Kali spažyvańnie zastaniecca na tym ža ŭzroŭni, u 2012 hodzie ekanomija Biełarusi składzie ŭžo $ 600 młn.
A voś Łatvija i Estonija atrymajuć takuju ž źnižku, jak i Biełaruś, nie byŭšy čalcami AEP, pryčym na hod raniej.
Hetyja krainy ŭziali na siabie abaviazacielstvy pavialičyć zakupki da abjomaŭ 2007 hoda, rastłumačyŭ Hołubieŭ. Zrešty, krainy Bałtyi płaciać za rasijski haz samuju vysokuju canu, nahadvaje kiraŭnik East European Gas Analysis Michaił Karčomkin: «U trecim kvartale«Hazprom»pradavaŭ im haz pa $342 za tysiaču kubamietraŭ, tady jak imparciory Hiermanii płacili na svajoj miažy kala $305». Tak što, pa słovach Karčomkina, krainy Bałtyi zastanucca samym prybytkovym dla «Hazproma» rynkam navat paśla 15-pracentnaj skidki.
Adzinaja ekanamičnaja prastora – heta palityčny prajekt Pucina, sproba reanimavać SSSR u novym vyhladzie.
