Svajaki aryštavanych pa kryminalnaj spravie za padziei 19 śniežnia ŭ Minsku stvaryli hramadski kamitet «Vyzvaleńnie». Ich pieršym supolnym krokam staŭ supolny zvarot da kiraŭnictva Rasiei, krain ES i ZŠA z zaklikam paspryjać vyzvaleńniu palitviaźniaŭ.
Ź inicyjatyvaj abjadnacca ŭ kamitet vystupiła Volha Bandarenka, žonka źniavolenaha Źmitra Bandarenki. Svajaki 25 aryštavanych majuć trymacca razam.
U kamitet «Vyzvaleńnie» ŭvajšli žonki, baćki i dzieci źniavolenych kandydataŭ dy šarahovych demanstrantaŭ.
Hramadski kamitet rychtuje taksama listy da Papy, a taksama ŭ Mižnarodny Čyrvony kryž, kab hetaja arhanizacyja paspryjała miedyčnaj dapamozie palitviaźniam. Svajaki ŭ rospačy ad taho, što mnohim viaźniam, pavodle ichnaj infarmacyi, u miedyčnaj dapamozie admaŭlali. Ludzi ličać heta parušeńniem mižnarodnych normaŭ ab zabaronie katavańniaŭ.
«Siońnia jany ŭvalilisia da nas, a zaŭtra jany ŭvalacca da vas. 19 śniežnia adbylisia nie vybary — 19 śniežnia zdaryŭsia pieravarot i abrynułasia zakanadaŭstva. Na hetych vybarach nie pieramoh nichto z kandydataŭ, a pieramoh śpiecnaz. Kali my ničoha nie zrobim, budziem na ŭsio hladzieć moŭčki, to nas čakaje zmrok», — kaža tata Iryny Chalip Uładzimir.
