Prezident Litvy Dala Hrybaŭskajcie adchilaje krytyku svajho papiarednika Vałdasa Adamkusa. Adamkus krytykavaŭ ciapierašniaha prezidenta za palityku ŭ adnosinach da Biełarusi.
Hrybaŭskajcie skazała ŭ adkaz, što katastrofa — heta toje, što ŭ dačynieńni da susiedniaj krainy i Alaksandra Łukašenki, jakoha nazyvajuć apošnim dyktataram Jeŭropy, nie prajavili pryjaznaści,
a zamiest hetaha na 10 hadoŭ paviarnulisia śpinoj.
«Prezident nijak nie aceńvaje i nie kamientuje vykazanyja ŭ presie kamientary abo mierkavańni asobnych palityčnych dziejačaŭ. Jana ličyć, što katastrofaj i pamyłkaj była dziesiacihadovaja izalacyja Biełarusi. Tyja kroki, jakija byli zroblenyja za čas paŭnamoctvaŭ ciapierašniaha prezidenta — pieršyja kantakty, što spryčynilisia da taho, što jość choć by niejkija kroki ŭ bok demakratyi», — skazaŭ
Kiraŭnik MZS Ažubalis taksama nie chacieŭ zhadvać horkija słovy Adamkusa.
«Nie viedaju, ci možna nazvać ciapierašniuju palityku takimi žorstkimi słovami. Ci vartaja naša dalejšaja dapamoha i paśpiachovaja anhažavanaść donaraŭ Jeŭrapiejskaha humanitarnaha ŭniviersiteta takich słovaŭ. Ci vartaja naša pastajannaja dapamoha apazicyi takich słoŭ. Ci vartyja takich słovaŭ našy 40 karotkaterminovych i 4 doŭhaterminovyja naziralniki ŭ Biełarusi, ja nie viedaju.
Sproby šukać kantakty i aktyvizavać dyjałoh z aficyjnym Minskam — voś ahulnaje mierkavańnie ES», — skazaŭ jon paśla sustrečy.
3 studzienia kiraŭniki litoŭskaj zamiežnaj palityki abmierkavali pačatak staršynstva Litvy ŭ ABSIE. Jany padkreślili, što rašeńnie prablem Biełarusi budzie adnoj z pryjarytetnych zadač.
