Rasijskija pravaabaroncy majuć namier prainfarmavać prezidenta RF Dźmitryja Miadźviedzieva ab situacyi z pravami čałavieka ŭ Biełarusi.
Pra heta paviedamiŭ člen Savieta pry prezidencie RF pa sadziejničańni raźvićciu hramadzianskaj supolnaści i pravach čałavieka, člen ekśpiertnaha savieta pry nacyjanalnym upaŭnavažanym pa pravach čałavieka RF Siarhiej Kryvienka 4 studzienia na
Kryvienka paviedamiŭ, što jaho meta — danieści infarmacyju pra padziei ŭ Biełarusi da rasijskich pravaabarončych struktur i supolnaści. Pavodle jaho słoŭ, z rasijskich ŚMI pra padziei ŭ Biełarusi pastupaje «supiarečlivaja infarmacyja».
Kryvienka padkreśliŭ, što jon i naziralnaja misija Kamiteta mižnarodnaha kantrolu za situacyjaj z pravami čałavieka ŭ Biełarusi nie staviać metaj davać acenku prezidenckim vybaram u krainie. «My vyvučajem reakcyju dziaržaŭnych orhanaŭ na dziejańni hramadskaści, na padziei nočy z 19 na 20 śniežnia. Mima niekatorych faktaŭ prajści nielha. Paćviardžajecca infarmacyja ab masavym parušeńni pravoŭ hramadzian pry zatrymańni i padčas prachodžańnia imi administracyjnaha pakarańnia. Niekatoryja ź ich, naprykład admova ŭ akazańni miedycynskaj dapamohi, pryraŭnoŭvajucca da katavańniaŭ», — skazaŭ jon.
Akramia taho, mižnarodnyja pravaabaroncy majuć namier źviarnuć uvahu na pieraškody dziejnaści biełaruskich pravaabarončych arhanizacyj, ŚMI, advakataŭ, a taksama na fakty adličeńnia studentaŭ i zvalnieńnia z pracy paśla administracyjnych aryštaŭ za ŭdzieł u demanstracyi 19 śniežnia.
«Mima takich faktaŭ pravaabarončaja supolnaść prajści nie moža.
Zachavańnie pravoŭ hramadzian — heta mižnarodny standart», — padkreśliŭ Kryvienka.
Pravaabaronca paviedamiŭ, što paśla rasijskich navahodnich kanikułaŭ jon maje namier pieradać infarmacyju ab situacyi z pravami čałavieka ŭ Biełarusi na razhlad Savieta pry prezidencie RF pa sadziejničańni raźvićciu hramadzianskaj supolnaści i pravach čałavieka. Pavodle jaho słoŭ, pry pryniaćci adpaviednaha rašeńnia savietam heta infarmacyja moža być razhledžana na jaho najbližejšym pasiadžeńni. Akramia taho, infarmacyja moža być padadziena Miadźviedzievu ŭ vyhladzie analityčnaj zapiski.
Jak raniej paviedamlaŭ BiełaPAN, rašeńnie ab stvareńni mižnarodnaha kamiteta, jaki b ažyćciaŭlaŭ u Biełarusi kantrol za vykanańniem fundamientalnych pravoŭ, pryniała 27 śniežnia kaalicyja niaŭradavych arhanizacyj krain ABSIE. U składzie kamiteta ŭžo pryblizna 30 niaŭradavych arhanizacyj, ale pryncypova niama i nie budzie nivodnaj biełaruskaj struktury.
