Palitviazień Mikałaj Aŭtuchovič ź Ivacevickaj kałonii dasłaŭ list u redakcyju «Našaj Nivy».
«Vinšuju ŭsich žurnalistaŭ haziety «Naša Niva» ź śviatami — Novym hodam i Božym naradžeńniem!
Žadaju ŭsim mocnaha zdaroŭja, dobraha nastroju, viery i stojkaści, mužnaści ŭ vyprabavańniach. Lepšaje napieradzie!
Vialiki dziakuj za padtrymku».
Na kanviercie adznaka, što list byŭ adpraŭleny 6 studzienia.
Mikałaj Aŭtuchovič adbyvaje piacihadovaje źniavoleńnie ŭ Ivacevičach. Jaho sudzili za padrychtoŭku terarystyčnaha aktu, ale abvinavačvańni byli źniatyja. Urešcie Aŭtuchovič atrymaŭ termin za zachoŭvańnie piaci patronaŭ.
Da źniavoleńnia Mikałaj Aŭtuchovič byŭ lidaram niezaležnaha hramadstva ŭ Vaŭkavysku. Pracavaŭ pradprymalnikam, źbiraŭ kampramat na miascovych čynoŭnikaŭ.
Pravaabaroncy pryznali Aŭtuchoviča viaźniem sumleńnia.
«Naša Niva» źviartałasia da Aŭtuchoviča ź listom z prośbaj vykazać svaju pazicyju pierad vybarami. Imavierna, toj naš list tak da Aŭtuchoviča i nie dastavili.