Ketryn Eštan nie stała sustrakacca z Martynavym u paniadziełak i aŭtorak. Kiraŭnik MZS Biełarusi pakinuŭ Brusel.
Viestki ab rezkim paharšeńni adnosinaŭ ź Jeŭrasajuzam ustryvožyli kiraŭnictva Biełarusi. 8 studzienia rasijskaje infarmacyjnaje ahienctva RIAN paviedamiła sa spasyłkaj na ŭłasnyja krynicy ŭ Bruseli, što pasły krain ES raspačali farmalnuju praceduru adnaŭleńnia sankcyj suprać łukašenkaŭcaŭ. Takuju reakcyju vyklikali «vybary» 19 śniežnia i aryšt lidaraŭ apazicyi paśla ich.
U paniadziełak 10 studzienia ministr zamiežnych spraŭ Biełarusi Siarhiej Martynaŭ terminova vylecieŭ u stalicu Jeŭrasajuza. Krynicy ŭ Bruseli paviedamlali, što biełaruski čynoŭnik prasiŭ ab sustrečach z kiraŭničkaj dypłamatyi ES Ketryn Eštan i jeŭrakamisaram pa pytańniach pašyreńnia i palityki dobrasusiedstva Štefanam Fiule.
Paviedamlałasia, što raniej Martynaŭ niefarmalna sustrakaŭsia ź Fiule ŭ Prazie.
Vał represij u Biełarusi vyklikaŭ burnuju reakcyju hramadzianskaj supolnaści Jeŭropy. Hramadskaść patrabuje ad uradaŭ terminovych mieraŭ pa abaronie pravoŭ čałavieka ŭ krainie, što miažuje z tryma dziaržavami ES.
U vyniku navat
vizit Martynava pieratvaryŭsia ŭ chałodny duš. Jak paviedamiła polskaje ahienctva PAP, ni 10 studzienia, ni 11-ha ni baranesa Eštan, ni Fiule z Martynavym nie sustrelisia. U biełaruskim MZS byli vymušany paviedamić, što «ministr pracuje ŭ Bruseli pa svaim hrafiku».Tym časam dypłamaty Jeŭrasajuza farmujuć śpisy biełaruskich čynoŭnikaŭ i siłavikoŭ, jakija padpaduć pad vizavyja sankcyi ES. Jak paviedamlajuć krynicy, u papiarednim varyjancie śpisa akazałasia bolš za 100 čałaviek. Adzinaj krainaj, jakaja vystupaje suprać uviadzieńnia sankcyj, akazałasia Italija. Nahadajem, što Łukašenka mieŭ sustrečy z premjer¬ministram Italii Silvia Bierłuskoni jak u Minsku, tak i ŭ Rymie.
Taksama i Litva «robić usie sproby, kab Biełaruś nie začyniała dźviarej Jeŭropie i nie išła da samaizalacyi», takuju zajavu zrabiŭ kiraŭnik MZS hetaj krainy Aŭdronius Ažubalis. A prezidentka krainy Dala Hrybaŭskajcie zaklikaje ablehčyć vizavy režym dla hramadzian Biełarusi.
A voś pradstaŭniki Šviecyi i Vienhryi, jakaja ciapier staršyniuje ŭ ES, vykazvalisia za adnaŭleńnie vizavych sankcyj.
Za žorstkuju reakcyju Jeŭropy vystupili ŭpłyvovyja ŭ biełaruskim pytańni Hiermanija, Polšča, Čechija i Niderłandy.
Što źviarnuła ŭvahu, upieršyniu Brusel pačaŭ razhladać opcyju ŭviadzieńnia ekanamičnych sankcyj.
Na lubyja sankcyi aficyjny Minsk reahuje baluča. Raniej łukašenkaŭskaja administracyja była vymušanaja pajści na sastupki, kab sankcyi byli skasavanyja.
Pasoł Vienhryi ŭ Biełarusi Fierenc Kontra tym časam padrychtavaŭ zajavu ad imia pasłoŭ krain ES z patrabavańniem vyzvalić z turmy ŭsich palitźniavolenych. Paśla prasili pra sustreču z eks¬kandydatami ŭ prezidenty. KDB u hetym admoviŭ.
Tym časam ministr unutranych spravaŭ Čechii Radek Jon na sustrečy ŭ Prazie z pradstaŭnikami biełaruskaj apazicyi zajaviŭ, što Čechija hatovaja pryniać usich biełaruskich palituciekačoŭ. Navat kali Biełaruś budzie dabivacca ich vydačy praź Interpał.
Na aficyjnym sajcie MZS Biełarusi niama nijakaj infarmacyi pra vizit ministra Martynava ŭ krainy ES. Adnak biełaruskija infarmahienctvy raspaŭsiudzili kamientari častka hetych sustreč projdzie ŭ Bruseli. Jakija mienavita sustrečy, z kim, kali i pa jakich pytańniach — nakont hetaha MZS Biełarusi kamientaroŭ nie daje.pres-sakratara MZS RB Andreja Savinych, jaki nibyta zajaviŭ, što Martynaŭ vylataŭ u Brusel, što «ministr pracuje pa svaim hrafiku pracoŭnych sustreč i kansultacyj»,
