Jeŭrasajuz rychtuje zachady ŭ adkaz u adnosinach da biełaruskich uładaŭ u suviazi z «masavymi aryštami i pieraśledam pradstaŭnikoŭ hramadskaj supolnaści ŭ pieryjad paśla vybaraŭ».
Pra heta zajaviła siońnia viarchoŭny pradstaŭnik Jeŭrasajuza pa zamiežnych spravach i palitycy biaśpieki Ketryn Eštan padčas sustrečy ŭ Bruseli z kiraŭnikom MZS Biełarusi Siarhiejem Martynavym.
«Vysoki pradstaŭnik nahadała ministru Martynavu, što ES razhladaje adpaviednyja zachady ŭ adkaz na postvybarnyja padziei z tym, kab ŭchvalić ich na Saviecie zamiežnych spravaŭ 31 studzienia 2011 hoda», — adznačajecca ŭ paviedamleńni
Eštan zaklikała da «nieadkładnaha vyzvaleńnia asobaŭ, zatrymanych pa palityčnych matyvach, i da nieadkładnaha spynieńnia pieraśledu apazicyi, demakratyčnych sił i pradstaŭnikoŭ hramadskaj supolnaści».
0
0
0
0
0
0