Chakiejnaje «Dynama» spyniła sieryju parazaŭ pieramohaj nad «Sievierstallu»

16 studzienia padapiečnyja Mareka Sikory vyjhrali ŭ matčy čempijanatu Kantynientalnaj chakiejnaj lihi ŭ čarapavieckaj «Sievierstali» ź likam 3:1 (0:0, 0:0, 3:1). Matč prajšoŭ u Babrujsk-Arenie.

Šajby ŭ dynamaŭcaŭ zakinuli Siarhiej Dziamahin (47.11 — boł.). 2:0 — Devid Pietrašak ((49.55). 3:0 — Džef Płat (52.39). Na 56-j chvilinie «Sievierstal» zdoleła pravieści adnu šajbu ŭ adkaz (Cybak, 55.29 — boł.).

«Dynama» pierarvała sieryju z troch parazaŭ i značna palepšyła stanovišča, kab zastacca ŭ zapavietnaj vosiemcy, jakaja budzie hulać u plej-of. Adryŭ ad «Tarpieda», jakoje zajmaje 9-je miesca, składaje 13 punktaŭ, praŭda, u kamandy ź Nižniaha Noŭharada ŭ zapasie piać hulniaŭ.

Zachodniaja kanfierencyja: 1. Łakamatyŭ — 87 (43), 2. ACHK Dynama Maskva — 75 (44), 3. SKA — 73 (42), 4. Sievierstal — 70 (44), 5. Atłant — 69 (43), 6. Dynama Minsk — 66 (47), 7.Spartak — 64 (44), 8. Dynama Ryha — 62 (45), 9. Tarpieda — 53 (42), 10.CSKA — 47 (43), 11.Viciaź — 41 (42).

Nastupnyja try matčy «Dynama» praviadzie ŭ haściach:

22 studzienia suprać maskoŭskaha «Dynama», 24 studzienia — suprać «Viciazia», 26-ha — suprać «Dynama» Ryhi.

Zaklučnyja čatyry hulni rehularnaha čempijanatu «Dynama» praviadzie doma. Pieršy matč na «Minsk-Arenie» projdzie 30 studzienia suprać CSKA.

0

0

0

0

0

0

Aleh Hardzijenka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH