Radyjo Svaboda Učora Rada AAN ŭ pravoch čałavieka zadavoliła skarhu kiraŭnictva źlikvidavanaj Homielskaj arhanizacyi «Hramadzianskija inicyjatyvy» i pryniała rašeńnie ab niezakonnaści zakryćcia abjadnańnia. Usie 14 siabraŭ Rady pryznali, što likvidacyja «Inicyjatyvaŭ» – jość parušeńniem artykułu 22 Pakta ab hramadzianskich i palityčnych pravach (prava na svabodu asacyjacyŭ).
U rašeńni, jakoje ŭčora atrymaŭ kiraŭnik abjadnańnia Viktar Karniajenka, paznačana, što ŭsie siabry «Hramadzianskich inicyjatyvaŭ» (5 čałaviek) musiać być pryznanyja paciarpiełymi, biełaruski ŭrad pavinien uznavić rehistracyju abjadnańnia i vydać kampensacyi jaje siabram. Usie hetyja patrabavańni dziaržava musić vykanać na praciahu troch miesiacaŭ.
Były juryst-konsult abjadnańnia Leanid Sudalenka zaŭvažaje, što pakul nivodnaje rašeńnie Rady AAN u pravoch čałavieka Biełaruśsiu nie było vykanana. Jon, adnak, dadaje : «Siońnia skłałasia nieadnaznačnaja sytuacyja. Tamu ja nie ździŭlusia, kali biełaruski bok vykanaje patrabavańni Rady AAN».