U matčy čempijanatu Kantynientalnaj chakiejnaj lihi «Dynama-Minsk» prajhrała ŭ haściach maskoŭskim adnakłubnikam — 1:3 (1:2, 0:1, 0:0).
Padapiečnyja Mareka Sikory zakinuli šajbu ŭžo na 18-j siekundzie sustrečy (vyznačyŭsia Piotr Sikora), ale potym prapuścili dvojčy (Kamaroŭ, 3-ja chvilina, Uharaŭ, 19). Prapuściŭšy ŭ druhim pieryjadzie treciuju šajbu (Šatan, 34-ja), minčanie paprostu zdalisia.
«Dynama-Minsk» zajmaje vośmy radok u Zachodniaj kanfierencyi, jaki daje mahčymaść trapić u plej-of. Na 9-m miescy, z adstavańniem u siem bałaŭ, idzie «Tarpieda» (Nižni Noŭharad), ale ŭ vałžanaŭ ažno na try hulni mieniej. Tamu pa zhublenych bałach dynamaŭcy — na 9-m miescy.
Zachodniaja kanfierencyja: 1. Łakamatyŭ Jarasłaŭl — 96 (46 hulniaŭ), 2. Dynama Maskva — 79 (46), 3. SKA Sankt-Pieciarburh — 77 (45), 4. Atłant Myciščy — 74 (45), 5. Sievierstal Čarapaviec — 72 (46), 6. Dynama Ryha — 70 (48), 7. Spartak Maskva — 67 (46), 8. Dynama Minsk — 66 (48), 9. Tarpieda Nižni Noŭharad — 59 (45), 10. CSKA Maskva — 51 (45), 11. Viciaź — 44 (44).
U paniadziełak, 24 studzienia, minskija dynamaŭcy zhulajuć u haściach z «Viciaziem», a ŭ sieradu — u Ryzie z «Dynama».
30 studzienia matč u Minsku z CSKA,
potym — dvuchtydniovy pierapynak, i zatym try zaviaršalnyja hulni ŭ Minsku. Vidać, intryha nakont
plej-of budzie žyć da apošniaha matča.
Aleh Hardzijenka
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
