Milinkievič: Palitźniavolenyja stali pradmietam torhu, ale kryminalnaja sprava nabiraje abaroty 15

Pra heta palityk zajaviŭ u svajoj zajavie, źmieščanaj na sajcie Ruchu za Svabodu.

29 studzienia pad chatni aryšt pieraviedzienyja žonka eks-kandydata ŭ prezidenty Andreja Sańnikava Iryna Chalip i lider kampanii «Havary praŭdu!», eks-kandydat u prezidenty Uładzimir Niaklajeŭ, a siabar jaho kamandy, adzin z kiraŭnikoŭ partyi «Spraviadlivy śviet» Siarhiej Vaźniak vypuščany pad padpisku ab nievyjeździe.

Adnak heta tolki try asoby, a pa kryminalnaj spravie ab tak zvanych «biesparadkach» na siońnia prachodziać 37 abvinavačanych i 15 padazravanych.

«Łukašenka vidavočna zaniepakojeny žorstkaj i salidarnaj reakcyjaj Jeŭropy na toje, jak jon pravioŭ prezidenckija vybary. I zrazumieła, što režym namahajecca zrabić z palitźniavolenych pradmiet torhu z Zachadam, — zajaviŭ Milinkievič. Ale jon zaścierahaje ad ejfaryi. — Palitźniavolenyja vypuskajucca, ale kryminalnaja sprava pa nibyta masavych biesparadkach 19 śniežnia praciahvaje nabirać abaroty. Nie supyniajecca antyzachodniaja prapahanda i dyskredytacyja apazicyi, źjaŭlajucca ŭsio novyja źvinavačanyja».

Na dumku Milinkieviča, pakul za kratami zastajucca palitviaźni, u tym liku i Aŭtuchovič, nijaki dyjałoh z Łukašenkam niemahčymy.

0

0

0

0

0

0

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH