Na aficyjnym sajcie ES źjaviŭsia śpis 158 łukašenkaŭcaŭ, jakim zabaronieny ŭjezd u Jeŭrasajuz. Siarod ich jość i žurnalisty.
Skandalna viadomy doktar Viktar Sirenka, hałoŭny ŭrač Minskaj balnicy chutkaj dapamohi, jaki dazvoliŭ śpiecsłužbistam zabrać paranienaha Uładzimira Niaklajeva i paśla z uśmieškaj raskazvaŭ na TV, što stan kandydata ŭ prezidenty byŭ lohki, trapiŭ u śpis nieŭjaznych pad numaram 85. Nahadajem, što pravaabaroncy źvinavacili Sirenku ŭ parušeńni miedyčnaj etyki.
Nam uziać kamientar u doktara Sirenki pakul nie ŭdałosia. U balnicy kažuć, što jon zaniaty.
U toj ža čas jon daŭ kamientar łukašenkaŭskamu ahienctvu «Interfaks»: «Ja spakojna ŭsprymaju hetaje rašeńnie, ale liču jaho poŭnaj duraściu. Jak ja mahu naškodzić Jeŭraźviazu — nie mahu zrazumieć. Što tyčycca pacyjenta Niaklajeva, my absalutna spakojnyja za toj dyjahnaz, jaki jamu tady pastavili. Daj Boh jamu zdaroŭja. Usiakaja dobraja sprava zaŭsiody karajecca. Za dobruju spravu — za akazańnie miedycynskaj dapamohi, za dakładny dyjahnaz, možna, jak pakazvaje žyćcio, trapić u „čorny śpis“. Ale naša balnica nie budzie składać nijakich čornych śpisaŭ. Kali Niaklajevu spatrebicca mieddapamoha, my hatovyja akazać jaje ŭ poŭnym abjomie», — dadaŭ V.Sirenka.
