Minčanie zaprašajucca 5-6 lutaha panazirać za redkaj vadapłaŭnaj ptuškaj 2

Hramadskaja arhanizacyja «Achova ptušak Baćkaŭščyny» (APB) zaprašaje minčan panazirać za redkaj vadapłaŭnaj ptuškaj — kačkaj-śvijaźziu.

Jak paviedamiŭ śpiecyjalist pa ekałahičnaj adukacyi APB Rusłan Šajkin, samiec śvijazi byŭ vyjaŭleny na ŭčastku Śvisłačy ŭ rajonie parku Horkaha padčas Nacyjanalnych zimovych ulikaŭ ptušak 2011 hoda. Na zimoŭcy i hniezdavańni ŭ Biełarusi hety paŭnočny vid kački sustrakajecca vielmi redka. U toj ža čas ptuška ŭjaŭlaje cikavaść dla amataraŭ pryrody, bo značna adroźnivajecca ad zvykłaj u horadzie kački-kryžanki: našmat drabniejšaj za jaje, hałava samca afarbavanaja ŭ ryžavata-karyčnievy koler. Pry hetym ptuška nie krakaje, a vydaje charakterny śvist, za jaki i atrymała svaju nazvu.

Pavodle słoŭ Šajkina,

5–6 lutaha ŭ parku Horkaha z 12.00 da 14.00 śpiecyjalisty i vałanciory APB buduć pakazvać kačku-śvijaź usim achvotnym.

Zbor kala mosta praź Śvisłač (praśpiekt Niezaležnaści) z boku centralnaha ŭvachodu ŭ park. Aprača kački-śvijazi amatary pryrody zmohuć panazirać za inšymi vadapłaŭnymi ptuškami: kačkami-kryžankami, mahčyma, łysuchaj, małoj pahankaj ci čajkami.

Śpiecyjalist prapanoŭvaje

zachapić z saboj fotaaparaty — ptuški padpłyvajuć davoli blizka da bierah

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH