4 lutaha na čarhovy dopyt ŭ KDB vyklikali byłoha kandydata ŭ prezydenty Dźmitryja Vusa, jaki zastajecca padazravanym va ŭdziele ŭ masavych nieparadkach 19 śniežnia.
U Dźmitryja Vusa try tydni tamu naradziŭsia syn. Ale maja razmova z byłym kandydatam ŭ prezydenty była nie pra pialuški, a pra padziei, jakija rehularna adbyvajucca ź im paśla 19 śniežnia: pra čarhovy dopyt ŭ KDB. Dźmitry Vus nie chavaŭ, čaho damahalisia ad jaho śledčyja.
«Budziem kazać ščyra: mianie šantažujuć, kab ja abvinavaciŭ Statkieviča ŭ arhanizacyi biesparadkaŭ 19 śniežnia.Ja adkazvaju, što nia bačyŭ, kab kandydaty ŭ prezydenty brali ŭdzieł u biesparadkach. Heta ŭsio było zroblena specsłužbami. Ale jany znoŭ padvodzili da taho, kab kazaŭ, što Statkievič dy inšyja kandydaty ŭ prezydenty naŭmysna arhanizoŭvali biesparadki. I što ja viedaŭ, što tak budzie.
Ja znoŭ im kažu, što nia bačyŭ, jak kandydaty brali udzieł, pakul zastavaŭsia na płoščy.A potym syšoŭ. Nie, kažuć, vy viedali».
Kandydata na prezydenta Dźmitryja Vusa aryštavali nočču 20 śniežnia i dva dni trymali u izalatary KDB, adkul vyzvalili pad padpisku pra niavyjezd. Dahetul u spadara Vusa status padazravanaha va ŭdziele ŭ masavych biesparadkach. Abvinavačańnie jamu nia vystavili i siońnia.
Čamu mienavita pra Statkieviča najbolš raspytvajuć u Dźmitryja Vusa? Były kandydat tłumačyć heta tym, što častka jahonaj hrupy padtrymki źbirała podpisy i za Statkieviča, a taksama jany razam jeździli pa krainie padčas pieradvybarčaj kampanii.
Dźmitry Vus — pradprymalnik. Jon zajmajecca vydavieckim biznesam.
Były kandydat kaža, što jahony biznes taksama staŭ pradmietam razmovy.Čaho, maŭlaŭ, tut siadzicie, źjaždžajcie ŭ Afryku. Čamuści raili mnie jechać ŭ Samali. Ja adkazvaŭ, što tut maja radzima, maje karani i nikudy ja jechać nie źbirajusia».«Pytalisia pra majo pradpryjemstva, kazali, što kali mianie pasadziać, to pradpryjemstva praź miesiac razvalicca.
«Treba, kab hetaje biezzakońnie skončyłasia, kab adčapilisia ad kandydataŭ.A tych, chto tam biŭ škło, pra ich ža viadoma, ich pa telebačańni pakazvali. Ja śledčym kažu: «Pahladzicie, tam ža vašy supracoŭniki i bili hetyja vokny, tamu sami ich i dapytvajcie». Śmiajucca, uśmichajucca».
U Vusa heta byŭ čaćviorty dopyt u KDB. Na novy dopyt pradprymalniku treba pryjści ŭ aŭtorak, 8 lutaha.
Ź dziesiaci kandydataŭ u prezydenty, jakija udzielničali ŭ śniežańskich vybarach, śledčyja nie cikaviacca Alaksandram Łukašenkam, Viktaram Ciareščankam i Jarasłavam Ramančukom. U statusie padazravanych pa spravie 19 śniežnia prachodziać Ryhor Kastusioŭ i Dźmitry Vus. Jašče 5 eks-kandydataŭ ličacca abvinavačvanymi va ŭdziele u masavych nieparadkach. Ź ich na voli Vital Rymašeŭski , ale pad padpiskaj pra niavyjezd. Uładzimier Niaklajeŭ — pad chatnim aryštam. U turmie KDB trymajuć Alesia Michaleviča, Mikołu Statkieviča i Andreja Sańnikava.
