Palicyja Bachrejna atakavała łahier śpiačych demanstrantaŭ, užyŭšy ślezaciečny haz 1

Palicyja Bachrejna atakavała siońnia łahier udzielnikaŭ antyŭradavych akcyj pratestu, jakija ŭžo niekalki dzion zajmajuć Žamčužnuju płošču — adnu z centralnych u stalicy krainy Manamie, — vykazvajučy svaju niazhodu ź dziejańniami ŭładaŭ.

Jak pieradaje ITAR-TASS, u vyniku vykarystańnia siłavikami ślezaciečnaha hazu dva čałavieki zahinuli, jašče niekalki dziasiatkaŭ atrymali ranieńni.

Pa słovach pradstaŭnikoŭ apazicyjnaha Isłamskaha tavarystva nacyjanalnaj zhody («Al-Vifak»), jakija pryvodzić telekanał Al-Jazeera, ranieńni atrymali kala 50 čałaviek, pryčym 10 ź ich — ciažkija.

Rejd palicyi byŭ ažyćcioŭleny ŭ toj čas, kali pratestoŭcy spali ŭ namiotach. Ciapier pradstaŭniki siłaŭ biaśpieki sprabujuć ačyścić płošču ad mitynhoŭcaŭ i pierakryć podstupy da jaje.

Mitynhi apazicyi pačalisia ŭ paniadziełak, 14 lutaha. Ich udzielniki zajaŭlajuć, što nie źbirajucca zrynać karala Chamada ben Isu Al Chalifu. Mitynhoŭcy, pa ich słovach, damahajucca adstaŭki prem'jer-ministra, šejcha Chalify ben Salmana Al Chalify, vinavaciačy čalcoŭ jaho kabinieta ŭ karupcyi.

Demanstranty taksama patrabujuć stvareńnia ŭrada z udziełam apazicyi, pradstaŭleńnia žylla i novych pracoŭnych miescaŭ.

U sieradu, 16 lutaha, «Al-Vifak», jaki źjaŭlajecca adnoj z asnoŭnych ruchalnych siłaŭ akcyj pratestu, zajaviŭ ab patrabavańni pryniaćcia novaj kanstytucyi, jakaja «dazvolić krainie pačać ruch u bok demakratyi».

«My imkniemsia nie da relihijnaj dziaržavy, a da hramadzianskaj demakratyi, dzie krynicaj ułady budzie narod»,

Pavodle najaŭnych dadzienych, za apošnija niekalki dzion u Bachrejnie, dzie raźmieščanaja baza 5-ha fłotu VMS ZŠA, u vyniku sutyknieńniaŭ manifiestantaŭ z palicyjaj užo zahinuli try čałavieki, jašče nie mienš za 60 atrymali ranieńni.

0

0

0

0

0

0

newsru.com

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH