Łukašenka kataŭsia na łyžach dva tydni zamiest adnaho 39
Zastałosia niajasnym, ci Łukašenka pierasioksia ź Miadźviedzievym i Pucinym. Jany taksama naviedali Ružu Chutar 18 lutaha.
Alaksandr Łukašenka 18 lutaha vierniecca ŭ Minsk z Sočy, paviedamiŭ kiraŭnik pres-słužby prezidenta Pavieł Lohki.
Zamiest adnaho tydnia jon baviŭsia na kurortach dva.
Z 7 lutaha Łukašenka znachodziŭsia ŭ adpačynku. Pavodle infarmacyi pres-słužby, u Sočy jon płanavaŭ aznajomicca z realizacyjaj «maštabnych płanaŭ» pa raźvićci biełaruskaj spartyŭna-turystyčnaj bazy, sustrecca z pradstaŭnikami dziełavych i ŭładnych kołaŭ Rasii. Adnak aficyjnych paviedamleńniaŭ ab znachodžańni kiraŭnika dziaržavy ŭ Sočy nie było.
18 lutaha pres-słužba Kramla paviedamiła, što prezident i prem'jer-ministr Rasii Dźmitryj Miadźviedzieŭ i Uładzimir Pucin naviedali harnałyžny centr «Ruža Chutar» u Krasnaj Palanie, dzie pahladzieli spabornictvy pa chutkasnym spusku i słałamie-hihancie. Zatym jany zrabili niekalki spuskaŭ na łyžach, ahledzieli harnałyžnuju bazu i pahutaryli sa spartsmienami i staršynioj Kaardynacyjnaj kamisii Mižnarodnaha alimpijskaha kamiteta Žanam-Kłodam Kili.
Pavodle słoŭ Lohkaha, pres-słužba biełaruskaha prezidenta «nie maje infarmacyi» ab tym, ci sustrakaŭsia Łukašenka z kiraŭnikami Rasii.
