Miniust vyvieŭ kiraŭnika Minskaj haradskoj kalehii advakataŭ Alaksandra Pylčanku sa składu Kvalifikacyjnaj kamisii pa pytańniach advakackaj dziejnaści.
Alaksandr Pylčanka. Fota BiełTA.
Hety zahad ministra justycyi Hałavanava byŭ apublikavany na sajcie ministerstva 18 lutaha.
Hety čarhovy krok u biesprecedentnym nastupie łukašenkaŭcaŭ na advakaturu — adzin z apošnich adnosna niezaležnych instytutaŭ biełaruskaha hramadstva.
Pylčanku vyvieli z kamisii biez anijakich tłumačeńniaŭ.Miniust adyhryvaje zaŭvažnuju rolu ŭ novaj kampanii cisku na niedziaržaŭnyja arhanizacyi. Siarod pravaabarocaŭ jość ustojlivaje pierakanańnie, što dziejny skład Miniusta ŭkamplektavany byłymi i dziejnymi supracoŭnikami śpiecsłužbaŭ.
Adnaznačna pahroźlivy krok na adras Pylčanki byŭ ździejśnieny ŭ toj samy dzień, kali jon vykazaŭ zaniepakojenaść pazbaŭleńniem licenzij čatyroch advakataŭ, datyčnych abarony palitviaźniaŭ, što prachodziać pa spravie ab «biesparadkach», jak łukašenkaŭcy nazyvajuć masavyja pratesty z patrabavańniem sychodu Łukašenki, svabodnych vybaraŭ i adnaŭleńnia nieadjemnych pravoŭ čałavieka. Jany adbylisia 19 śniežnia, u dzień tak zvanych «vybaraŭ».
«Uvieś kirujučy skład Minskaj haradskoj kalehii advakataŭ ličyć najaŭnuju situacyju krytyčnaj, jakaja realna pahražaje niezaležnaści advakatury jak pravavoha instytuta, hetak i niezaležnaści advakataŭ paasobku», —zajaviŭ staršynia Minskaj haradskoj kalehii advakataŭ Alaksandr Pylčanka, kamientujučy pazbaŭleńnie advakataŭ licenzij.
Jak paviedamiŭ Pylčanka, 17 lutaha na pašyranym pasiadžeńni prezidyuma kalehii, jakoje prachodziła z udziełam kiraŭnikoŭ jurydyčnych kansultacyj, abmiarkoŭvałasia pytańnie ab pazbaŭleńni čatyroch advakataŭ licenzij.
4 lutaha Ministerstva justycyi pryniało pastanovu ab pazbaŭleńni licenzii čatyroch advakataŭ Minskaj haradskoj kalehii, jakija abaraniali ŭdzielnikaŭ akcyi 19 śniežnia, — Aleha Ahiejeva, Taćciany Ahiejevaj, Uładzimira Toŭścika i Tamary Harajevaj.
Dziejańnie licenzij, vydadzienych Alehu Ahiejevu (advakat
Miž tym, jak paviedamiŭ Alaksandr Pylčanka, u dačynieńni da čatyroch nazvanych advakataŭ nijakich pradstaŭleńniaŭ adnosna ich prafiesijnaj dziejnaści ŭ kalehiju nie ŭnosiłasia. Adpaviedna, nijakich dyscyplinarnych vytvorčaściaŭ u dačynieńni da ich nie raspačynałasia.
Pylčanka taksama paviedamiŭ, što na pašyranym pasiadžeńni Minskaj haradskoj kalehii advakataŭ abmiarkoŭvałasia inicyjatyva Miniusta pa pryniaćci praviłaŭ prafiesijnaj etyki advakataŭ. Takija praviły, padkreśliŭ staršynia kalehii, «pavinny prymacca vyklučna advakackaj supolnaściu».
U suviazi z hetym pryniata rašeńnie pravieści niečarhovy ekstrany schod Minskaj haradskoj kalehii advakataŭ z zaprašeńniem usich zacikaŭlenych asob, skazaŭ Pylčanka.
Nahadajem, u kancy śniežnia Miniust ubačyŭ «hrubyja parušeńni praviłaŭ prafiesijnaj etyki» ŭ dziejańniach niekatorych advakataŭ, jakija abaraniajuć udzielnikaŭ akcyi 19 śniežnia. Kiraŭnictvu Minskaj haradskoj kalehii advakataŭ było zroblena pradstaŭleńnie z patrabavańniem pryniać «nieadkładnyja miery da biezumoŭnaha vykanańnia advakatami Praviłaŭ prafiesijnaj etyki i zakanadaŭstva». Adnak prezidyum kalehii nie ŭbačyŭ padstaŭ dla prymianieńnia
Za sankcyjami prahladajecca žadańnie zapałochać, kab advakaty ŭvohule bajalisia palityčnych spravaŭ jak ahniu. Kab bajalisia bracca za abaronu palitviaźniaŭ ad pačatku. Tady śpiecsłužby mahli b naviazvać palitviaźniam (i ŭ kožnym inšym «patrebnym» vypadku) dziaržaŭnaha, abyjakavaha ci «patrebnaha» advakata.
1 lutaha Rada kalehij advakataŭ Jeŭropy zaklikaŭ ministra justycyi Biełarusi Viktara Hałavanava «harantavać pryncypy niezaležnaści prafiesijnych asacyjacyj advakataŭ i niepraduziataści dyscyplinarnych razboraŭ».
Pavodle infarmacyi «Našaj Nivy», advakaty i pravaabroncy roznych krain Jeŭropy źbirajuć srodki dla terminovaj dapamohi svaim biełaruskim kaleham.
