Biada ŭ Estonii: na pažary ŭ dziciačym domie zahinuli dziesiać dziaciej 2

U pažary, jaki achapiŭ dziciačy dom dla małych dziaciej u Chaapsału ŭ Estonii zahinuli dziesiać vychavancaŭ, paviedamlaje miascovy internet-partał EER. Kraina rychtujecca da žałoby.

Jak skazaŭ pres-sakratar Zachodnieestonskaha centra ratavalnikaŭ Viktar Saaremiets, pavodle papiarednich źviestak, zahinuli dziesiać vychavancaŭ dziciačaha doma.

Da momantu prybyćcia vyratavalnikaŭ na miesca zdareńnia budynak hareŭ adkrytym połymiem. Ratavalniki vynieśli z pałajučaha doma dziesiać čałaviek, astatnija byli evakujavanyja. Usiaho ŭ budynku znachodziłasia 37 dziaciej i 9 darosłych.

Zahinułyja byli z adździaleńnia lažačych — toj častki budynka, jakaja paciarpieła bolš za ŭsio.

Vice-mer Chaapsału Pieeter Vikman skazaŭ partału navin ERR, što evakujavanyja dzieci raźmierkavany ŭ raźmieščanym pobač dziciačym domie, dzie žyvuć bolš darosłyja dzieci, a dvoje — u sanatoryi škoły-internata.

U dziciačym domie ŭ Chaapsału pražyvali 47 dziaciej, ź ich 28 — siroty i 19 dziaciej, ad jakich admovilisia baćki — takija dadzienyja pryvodziacca na internet-staroncy ŭstanovy. Usie vychavancy dziciačaha doma — dzieci ź ciažkaj abo hłybokaj stupieńniu invalidnaści. Ź ich 24 karystajucca invalidnymi vazkami.

Prezident Estonii Tomas Chiendryk Ilvies ŭ svajoj śpiecyjalnaj zajavie zaklikaŭ usich pamianuć zahinuŭšych i 21 lutaha pryspuścić ściahi pa ŭsioj krainie.

Paniadziełak u Estonii abvieščany Dniom žałoby.

0

0

0

0

0

0

gazeta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH