Pryznačanaja data razhladu kryminalnaj spravy jašče adnaho ŭdzielnika akcyi pratestu 19 śniežnia 2010 hoda. 1 sakavika u sudzie Frunzienskaha rajonu Mienska buduć sudzić Źmiciera Novika.
Jon byŭ zatrymany 23 śniežnia pozna ŭviečary doma ŭ Baranavičach jak padazravany pa kryminalnaj spravie ab masavych biesparadkach. Abvinavačańnie Noviku pradjaŭlena 30 śniežnia pa č.2 art. 293 KK –
udzieł u masavych biesparadkach.Ad taho času znachodzicca pad vartaj u SIZA №1 na vuł. Vaładarskaha.
U hetym ža sudzie sudździa Taciana Čarkas budzie razhladać spravu Alaksandra Atroščankava.
Taksama 1 sakavika ŭ sudzie Maskoŭskaha rajona Mienska adbudziecca sud nad fihurantam spravy ab masavych biesparadkach Dźmitryjem Miadźviedziem, jaki abvinavačvajecca pa č.2 art.293 KK RB - "udzieł u masavych biesparadkach". Praces budzie vieści sudździa Alena Rudnickaja. Pačatak a 10-aj hadzinie.
Vierahodna, što ŭ sudzie Maskoŭskaha rajona Mienska budzie razhladacca pierakvalifikavanaja sprava Arcioma Breusa i Ivana Haponava.
Nahadajem, što 22 lutaha Dziaržaŭny abvinavaŭca Siarhiej Kunas zajaviŭ chadajnictva pra pierapynak u sudovym pracesie na 7 dzion, da 1 sakavika, – dla pierapradjaŭleńnia abvinavačańnia Arciomu Breusu i Ivanu Haponavu. Sudździa Luboŭ Siamachina chadajnictva zadavoliła.
