Hrodzienski žurnalist vyjdzie na volu u piatnicu 25 lutaha ŭ 17.40.
Hetuju infarmacyju paćvierdzili pres-słužbie HA «BAŽ» u centry izalacyi pravaparušalnikaŭ na Akreścina.
Nahadajem, što 11 lutaha sudździa Kastryčnickaha rajonnaha suda Minska Natalla Pratasavickaja, jakaja trapiła ŭ śpis nievyjaznych u krainy ES, prysudziła žurnalista da 15 sutak aryštu. Pačobuta abvinavacili va «ŭdziele» ŭ niesankcyjanavanaj akcyi 19 śniežnia («Parušeńnie paradku arhanizacyi albo praviadzieńnia masavaha mierapryjemstva», č. 3 art. 23.34 KaAP).
Andrej Pačobut byŭ zatrymany 19 śniežnia 2010 h. na płoščy Niezaležnaści i sutki pravioŭ u aŭtazaku. Tamu, kali 11 lutaha jaho ŭsio ž pakarali aryštam, Andrej raźličvaŭ vyjści na volu raniej.
Jaho sprava razhladałasia ŭ sudzie Kastryčnickaha rajonu. Ale ŭ apošni momant žurnalista vyzvalili, zajaviŭšy, što pa jaho sprava nakiravanaja na dadatkovuju pravierku.Paźniej sud Kastryčnickaha rajona ŭsio ž pakaraŭ žurnalista štrafam u pamiery 1.750.000 rubloŭ za «ŭdzieł u niesankcyjanavanym mitynhu». Prakuratura paličyła taki prysud zanadta miakkim, Minski haradski sud pahadziŭsia z hetymi pretenzijami i pryznačyŭ pierahlad spravy.
Sprava Pačobuta vyklikała rezanans jak u krainie, tak i za jaje miežami. Rada apazicyjnaha sajuza palakaŭ źviarnułasia da prezidenta Polščy Branisłava kamaroŭskaha z prośbaj paspryjać vyzvaleńniu Pačobuta. Nieadkładnaha vyzvaleńnia žurnalista zapatrabavaŭ staršynia Jeŭrapiejskaha parłamienta Ježy Buzek.
Nie zabyli pra Andreja i kalehi: u časie aryštu jamu rehularna pieradavalisia pieradačy.
Hladzi jašče: Pačobut publikuje adkaz KDB prakuratury pa svajoj spravie