Da Biełarusi dabrałasia ŭžo druhaja šviejcarskaja elektryčka

Druhi šviejcarski elektraciahnik dla prajekta «Haradskija linii» 25 lutaha pierasiok biełaruska-polskuju miažu. Pra heta paviedamili ŭ pres-słužbie Biełaruskaj čyhunki.

Hruzavyja aŭtamabili z vahonami elektraciahnika ŭ supravadžeńni pradstaŭnikoŭ šviejcarskaj kampanii Stadler Bussnang AG, niamieckaj kampanii-hruzapieravozčyka i DAI nakiroŭvajucca ŭ łakamatyŭnaje depo «Baranavičy», dzie adbudziecca vyhruzka sastavu. Dva adnaŭlenčyja krany pastaviać vahony na cialežki, śpiecyjalisty praviaduć padklučeńnie elektra- i aŭtatarmaznoha abstalavańnia, ustanoŭku tokapryjomnikaŭ. Čakajecca, što ŭ pačatku nastupnaha tydnia šviejcarski elektraciahnik prybudzie ŭ Minsk.

Pieršy elektraciahnik dla «Haradskich linij» užo prachodzić pieradekspłuatacyjnyja vyprabavańni i siertyfikacyju ŭ matorvahonnym depo Minska. Na hety momant idzie nastrojka sistem dyjahnostyki, biaśpieki, pravierka elektraabstalavańnia i inš. U pačatku nastupnaha tydnia ŭ biełaruskuju stalicu prybyvajuć šviejcarskija śpiecyjalisty dla navučańnia łakamatyŭnych i ramontnych bryhad pracy z elektraabstalavańniem i sistemaj dyjahnostyki novaha elektraciahnika.

Tym časam u šviejcarskim Busnanhu sabrany treci elektraciahnik dla «Haradskich linij». Čakajecca, što 9–11 sakavika śpiecyjalisty BČ praviaduć papiaredniuju zavodskuju pryjomku hetaha sastavu.

Pres-słužba BČ paviedamiła, što ŭ kancy sakavika ŭ Minsku adbudziecca prezientacyja elektraciahnika dla novaha farmatu pasažyrskich pieravozak. U mierapryjemstvie voźmuć udzieł kiraŭnictva kampanii Stadler Bussnang AG, pradstaŭniki čyhunačnych administracyj krain SND, Litvy, Łatvii, Estonii, Finlandyi i inšyja aficyjnyja asoby. Pieršaja haradskaja elektryčka pačnie kursavać ad stancyi Minsk-Pasažyrski da Ždanovič u druhoj pałovie 2011 hoda.

Jak paviedamlałasia raniej, BČ zaklučyła kantrakt sa Stadler Bussnang AG na pastaŭku 10 elektraciahnikoŭ novaha pakaleńnia ŭ sakaviku 2010 hoda. Piać ź ich prybuduć u Biełaruś u 2011 hodzie, astatnija — u 2012-m.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH