U niadzielu zranku maci źniavolenaha lidara BCHD Paŭła Sieviarynca Taćciana Jaŭhienaŭna paviedamiła pra čarhovy list ad syna, datavany 23 lutaha, dzie Pavał piša: «Spravu maju vyłučajuć asobna i rychtujuć dla pieradačy u sud. Nieŭzabavie budziem znajomicca z materyjałami».
Hetyja źviestki Taciana Sieviaryniec sprabuje spraŭdzić u advakata syna Paŭła Sapiełki, adnak źviazacca ź im pakul nie atrymałasia.
Taksama ŭ liście Pavał paviedamiŭ, što atrymaŭ list ad Nasty Pałažanki.
Taćciana Sieviaryniec vielmi turbujecca, ci pieradajuć synu pieradačy, bo ŭžo ŭ druhim liście zapar Pavał zhadvaje pra zubnuju ščotku, u toj čas jak jašče 16 lutaha maci pieradała jamu ŭ pieradačy ažno dźvie.
Nahadajem, Pavał Sieviaryniec byŭ zatrymany pozna ŭviečary 19 śniežnia 2010 hoda ŭ Miensku paśla padziejaŭ na Płoščy Niezaležnaści i zaraz ŭtrymlivajecca ŭ śledčym izalatary KDB. Jon, jak inšy sustaršynia BCHD kandydat u prezidenty Vital Rymašeŭski dy šerah inšych byłych kandytataŭ, palitykaŭ i aktyvistaŭ źjaŭlajecca abvinavačanym pa artykule 293 KK č.1 i č.2 (arhanizacyja i ŭdzieł u masavych biesparadkach).
