Staršy śledčy pa asabliva važnych spravach Hienieralnaj prakuratury Śviatłana Bajkova abvinavačvajecca pa piaci artykułach Kryminalnaha kodeksa Respubliki Biełaruś.
Jak paviedamili ŭ Viarchoŭnym sudzie, prakurorskamu rabotniku pradjaŭlena abvinavačańnie va ŭčynieńni złačynstvaŭ suprać pravasudździa, a taksama suprać intaresaŭ słužby (č. 2 art. 393 (pryciahnieńnie ŭ jakaści abvinavačvanaha zaviedama nievinavataha), čč. 1, 2 art. 394 (prymus da dačy pakazańniaŭ), čč. 1, 2 art. 397 (zaviedama niezakonnyja zatrymańnie abo ŭtrymańnie pad vartaj), č. 3 art. 424 (złoŭžyvańnie ŭładaj abo słužbovyi paŭnamoctvami), č. 3 art. 426 (pieravyšeńnie ŭłady abo słužbovych paŭnamoctvaŭ)).
U Viarchoŭnym sudzie zaznačyli, što dla vyrašeńnia pytańnia ab vinavataści abo nievinavataści Bajkovaj va ŭčynieńni inkryminavanych joj złačynstvaŭ,
u sudzie budzie daśledavany šerah akaličnaściaŭ, u tym liku źviestki, atrymanyja padčas roznychJak paviedamlałasia raniej,apieratyŭna-vyšukovych mierapryjemstvaŭ. Zhodna z zakanadaŭstvam takija źviestki adnosiacca da dziaržaŭnych sakretaŭ. Tamu, u adpaviednaści z pramymi narmatyŭnymi pradpisańniamiKryminalna-pracesualnaha kodeksa sprava padlahaje razhladu ŭ zakrytym sudovym pasiadžeńni.
słuchańnie spravy Śviatłany Bajkovaj pačniecca ŭ Viarchoŭnym sudzie 10 sakavika.
Nahadajem, Bajkova była zatrymanaja supracoŭnikami KDB 25 lutaha 2010 hoda pavodle padazreńnia ŭ pieravyšeńni ŭłady. Spravy ŭ dačynieńni da jaje byli raspačatyja KDB 24 lutaha pa prykmietach składaŭ złačynstvaŭ, praduhledžanych artykułami 399 (niezakonnaje vyzvaleńnie ad kryminalnaj adkaznaści) i 426 (pieravyšeńnie ŭłady abo słužbovych paŭnamoctvaŭ) Kryminalnaha kodeksa. Zhodna ź nieaficyjnaj infarmacyjaj, prakurorskamu rabotniku stavicca ŭ vinu ŭčynieńnie złačynstvaŭ, praduhledžanych jašče niekalkimi artykułami KK. Zaraz jana znachodzicca pad damašnim aryštam.
U pačatku lutaha stała viadoma, što
advakat Michaił Vołčak, jaki źjaŭlaŭsia abaroncam Śviatłany Bajkovaj, nie zmoža joj dapamahać na sudovym pracesie. Jon užo nie pracuje, licenziju zdaŭ u Ministerstva justycyi, a paśviedčańnie — u Minskuju abłasnuju kalehiju advakataŭ. Pytańnie BiełaPAN, pajšoŭ jon dobraachvotna ci jaho prymusili, były abaronca rabotnika Hienprakuratury pakinuŭ biez adkazu.
U pačatku hetaha hoda ŭ dačynieńni da Michaiła Vołčaka Hienprakuraturaj była raspačata sprava na padstavie č. 1 art. 407 Kryminalnaha kodeksa (abviaščeńnie źviestak daznańnia, papiaredniaha śledstva ci zakrytaha sudovaha pasiadžeńnia). Raspačynańnie spravy źviazvałasia z nakiravanaj Vołčakam u kancy kastryčnika — pačatku listapada 2010 hoda ŭ Hienprakuraturu skarhaj na biaździejańnie orhana, jaki viadzie kryminalny praces u dačynieńni da jaho padabaronnaj. Sutnaść jaje stała viadomaja. Jak BiełaPAN paviedamlaŭ raniej, advakat, hruntujučysia na źviestkach «prasłuški» KDB, što fihurujuć u materyjałach śledstva, u svaim zvarocie ŭ Hienprakuraturu zajaviŭ: papiarednim śledstvam naŭmysna nie dadziena pravavaja acenka supraćpraŭnym dziejańniam aficera milicyi, jaki ŭvachodziŭ u skład śledčaj hrupy Bajkovaj.
