20:04. Dźmitryj Miadźviedź vyjšaŭ z kletki. Pieršym čynam jon abniaŭ svaich rodnych. Davać kamientary mužčyna pakul admoviŭsia. Adzinaje, što jon skazaŭ: «Dziakuj Bohu».
19:52
Dźmitry Miadźviedź asudžany na try hady abmiežavańnia voli biez nakiravańnia ŭ śpiecustanovy, tak zvanaj «chatniaj chimii». Sp. Miadźviedzia vyzvalajuć prosta ŭ zali suda.
19:40
Vyniasieńnie prysudu zaciahvajecca. Tolki ciapier ludziej pačali zapuskać u zału suda, choć prysud musili pačać abviaščać jašče, a 18:30.
16:25
Miadźviedź — apošniaje słova:
Ja chacieŭ by skazać, što kali ja trapiŭ u takuju situacyju,
Pa uronie — kali ja byŭ za 20 mietraŭ ad hanka, ja nie mahu adkazvać za ludziej, jakija bili škło. Ja — mirny čałaviek, u mianie byli vialikija płany, novyja technałohii ŭ budaŭnictvie, stvareńnie tannaha žylla. Supracoŭničaŭ z adnym ź viadomiejšych architektaraŭ Rasii. Chacieŭ vykarystoŭvać jaho technałohii.
Toje što zdaryłasia — kašmarna.
Sud vyjšaŭ dla vyniasieńnia prysudu.
15:55
Abviaščajucca sprečki bakoŭ.
Prakuror kaža, što abvinavačany viny nie pryznaŭ, ale z ulikam daśledavanych dokazaŭ (praz dopyt paciarpiełych),
vinatavaść abvinavačanaha dakazana ŭ poŭnym abjomie.
Miadźviedziu stavicca ŭ vinu ŭdzieł u niesankcyjanavanym mierapryjemstvie. Jamu inkryminujucca ŭdzieł u mierapryjemstvie ŭ papiaredniaj zmovie.
Viersija, što abvinavačany prosta abaraniaŭsia, nie źjaŭlajecca praŭdzivaj, bo ŭdar milicyja naniesła tolki adzin i heta była abarona z boku milicyi.
Prakuror: abvinavačany mieŭ mahčymaść pakinuć płošču, ale nie skarystaŭsia mahčymaściu, tamu skład złačynstva dakazany. Aciahčajučyja abstaviny: zmova złačynnaja. Prakuror patrabuje (z ulikam chadatajstvaŭ) 4 hady strohaha režymu.
Advakat: Siońnia prahučała treciaje abvinavačvańnie z pačatku razhladu spravy.
Siońnia było novaje abvinačvańnie — papiaredniaja zmova, jakuju prakuror prosić ličyć jak abciažarvajučuju abstavinu. Na pieršym pasiadžeńni pracesu pra takoje havorki nie išło — 1 sakavika ničoha pra zmovu nie havaryłasia. Nivodnaha dokazu u paćvierdžańnie abvinavačvańnia niama. Bolš za toje, mnohija abvinavačvańni — sproba vydać žadanaje za realnaje, abvinavačańnie, miakka kažučy, nie źjaŭlajecca praŭdzivym.
Pa vyznačeńni słova «pahrom» —
«Uzbrojeny supraciŭ» — heta najaŭnaść zbroi. Zbroja pavodle zakona — heta nie rydloŭki i pałki i h.d.
Pałka pa zakonie — nie zbroja.
Tamu ŭzbrojenaha supracivu nie było.
Źniščeńnie akon i dźviarej. Pieršapačatkova zamiest słova źniščana było słova «paškodžana» Dalej pišacca «Źniščana»
Vyznačeńnie škody było składziena takim čynam: raźbityja vokny, paškodžana 14 dźviarej, adarvana truba.
Ramont nie pravodzicca paśla źniščeńnia.
Advakat: napisana ŭ abvinavačvańni, što Skarachodu naniesiena traŭma — strasieńnie mozha. Lohkaja traŭma, a ŭ ekśpiertnym zaklučeńni — zusim inšyja traŭmy. Praktyka prymianieńnia art. 293 u RB nie vytrymlivaje krytyki. Navat banda, jakaja zajmajecca rabaŭnictvam-zabojstvami, adkazvaje tolki za svaje dziejańni.
Čamu Miadźviedź musić adkazvać za ŭsio, što zdaryłasia na płoščy?
Jaho nielha sudzić tolki za prysutnaść. Kožnaja asoba pavinna nieści adkaznaść vyklučna za svaje dziejańni. Ustanavić, chto nanios paškodžańni milicyjantam, pavinna papiaredniaje rasśledavańnie, i orhany papiaredniaha rasśledavańnia nie mohuć vykanać svaju pracu.
Kankretnyja dziejańni Miadźviedzia: u abvinavačańni «šmatlikija ŭdary nahami pa ščytach». I trochsiekundny rolik, na jakim susiedu Miadźviedzia nanosiać udary. Naniasieńnia ŭdaraŭ nahami nie bačna.
Kali havorka idzie pra praniknieńnie ŭ Dom urada, varta źviarnucca da 292-ha artykuła.
Advakat patrabuje poŭnaha apraŭdańnia.
15:45
Advakat: što kankretna vy bačyli na videa?
Miadźviedź: Ja staju ŭ natoŭpie, zakryvaju tvar rukami. Pa dubincy ja ŭdaryć nie mahu, bo znachodžusia daloka. Ciapier hety frahmient prademanstrujuć paŭtorna. Prakuror iznoŭ zakryŭ saboj pałovu ekranu.
Na
Prakuror: ci mieli vy mahčymaść pakinuć płošču? Pa zapisie bačna, što vy mahli pakinuć płošču? Čamu nie pakinuli?
Miadźviedź: zzadu było pusta, ja padyšoŭ, kab padniać čałavieka.
15:42
Videa demanstravałasia biez huku, paśla huk uklučyli, ale razabrać słovy było niemahčyma. U zale šumna, mnohija hladziać videa stojačy. Tolki što prakuror śpinaj zasłaniŭ ekran — ciapier z zału nie bačna amal ničoha.
Da taho jak karcinka była bačnaj, byŭ čutny šept «Žach!» na karcincy, dzie milicyja napadaje na ludziej.
Videa abarvałosia, na ekranie ŭźnik Łukašenka. Pa zale prakaciŭsia śmiech.
Miadźviedź ubačyŭ na videa siabie. Na videa jon imkniecca zakryć tvar rukami.
15:32
Pytańni da abvinavačanaha.
U telefonie znojdzienyja fatazdymki z panaramaj budynku harvykankama, zroblenyja z boku Doma ŭrada.
Miadźviedź: Jak tolki ja padyšoŭ da pomnika, ja ničoha nie bačyŭ, zrabiŭ niekalki kadraŭ — biez usialakich metaŭ.
Prakuror: Na płošču vy pryjechali, a
Advakat pradastaŭlaje chadatajstva pracoŭnaha kalektyva z charaktarystykaj. Druhoje chadatajstva: žonka zaraz u dekrecie, a taksama maje kredyt u «Pryjorbanku». Začytvajecca charaktarystyka ad kalehaŭ pa pracy — acenieny kalehami vielmi vysoka. Adznačajuć, što vypadku źniavoleńnia Miadźviedzia šmatlikija kampanii admoviacca zaklučać ź imi kantrakty.
Zaraz budzie prademanstravana videa z płoščy
15:21
Idzie pieralik traŭmaŭ, atrymanych milicyjanierami.
15:16
Sudździa pravodzić pieralik znojdzienych na płoščy pradmietaŭ. 30 śniežnia praviedzieny pieratrus doma ŭ Miadźviedzia.
Padazronych pradmietaŭ padčas pieratrusu nie było znojdziena.
Sudździa havoryć vielmi chutka, razabrać niešta ciažka.
15:00
Druhi śviedka — Hrysienka, 85 h.n. milicyjant. Abvinavačanaha bačyŭ. Kaža, što zatrymlivali ludziej la Doma Kradu, dzie «prapanoŭvali prajści» ŭ aŭtazak. Miadźviedź byŭ siarod tych ludziej, jakich jany akružyli. Jon pajšoŭ sam.
Miadźviedź pytajecca, na jakim kankretnym miescy jaho zatrymali. Śviedka skazaŭ, što masu ludziej zatrymali da Doma Urada. Bolš kankretna nie kazaŭ.
Dopyt śviedak skončyŭsia.
14:47
Apytanyja ŭsie 15 śpiecnazaŭzaŭ. Na hetym dopyt paciarpiełych skončany.
Zaraz vyklikajuć śviedkaŭ Śviedka Dudarčyk Aleh 75 hoda naradžeńnia. pracuje ŭ HUVD Minharvykankama. Jon i zatrymaŭ Miadźviedzia na płoščy.
Jon kaža, pra vialikaje skapleńnie ludziej, jakija kiravalisia na płošču Niezaležnaści, pa radyjo daviedalisia pra toje, što adbyvajecca la domu ŭradu. Jak i z paciarpiełymi, śviedku niecenzurna łajali. Bili
Kaža, što Miadźviedź byŭ u liku aktyŭnych udzielnikaŭ akcyi, jakija ruchalisia ad Doma Urada. Pry zatrymańni nie prajaŭlaŭ supracivu, ale vykrykvaŭ łozunhi antydziaržaŭnaha charaktaru, fizičnaha supracivu nie było.
Pra kankretnyja dziejańni na płoščy — nie viedaje. Apisvaje adzieńnie Miadźviedzia. Abvinavačany pytajecca «Vy pišycie, što mianie zatrymlivali, ja by ŭ u ciomnym švedary, doŭhaj dubloncy i z baradoj. Dublonka była karotkaja, a švedar śvietły." Śviedka kaža, što nie kryčaŭ łozunhi. Miadźviedź pytajecca, z kim jon išoŭ, Śviedka nie moža ŭspomnić.
Łozunhi vykrykvaŭ «Žyvie Biełaruś!» «Uchadzi». Advakat udakładniŭ, što «Žyvie Biełaruś» nie antydziarž. łozunh. Miadźviedź kaža, što nikoli nie bačyŭ śviedku.
Śviedka pavodzić siabie dosyć ahresiŭna.
14:43
Paciarpieły Komar 1970 h.n. Bačyŭ, jak natoŭp pačynaje ahresiŭna reahavać. Padčas papytak praryvu jaho ŭdaryli szadu ŭ ciemia, ścianuŭšy napałovu šlem.
Miadźviedzia nie bačyŭ.
14:31
Paciarpieły Dźmitry Skarachod 75 h.n.
Pakazańni amal supadajuć — pra padziei na płoščy viedaŭ z radyjoefira, paśla kamanda vydvinucca na vuł. Hiercena. Pačaŭsia pahrom — bili škło ŭ Domie Urada
«Natoŭp imknuŭsia prarvać naš łancuh, fizičnaje ŭździejańnie — chutkim krokam chacieli razarvać naš łancuh, vykazvali namier prajści da Doma Urada. Mianie vyciahnuli za adzieńnie, sarvali kasku i nanieśli niekalki ŭdaraŭ pa hałavie. U nas kidali śnieh, lod, butelki płastykavyja i niejkaje śmiećcie»
Paciarpieły Kudraviec 79 hoda naradžeńnia. Adrazu skazaŭ, što bačyć Miadźviedzia ŭpieršyniu
Prosić začytać svaje pakazańni — kab uzhadać, tamu što pisaŭ daŭno (18 lutaha), i tak adrazu nie moža ŭspomnić. Prakuror prosić rasskazać spačatku toje, što paciarpieły pamiataje i tak.
Rasskazvaje jon toje samaje što i astatnija — niecenzurnaja brań, chapali za formiennaje adzieńnie. JAHo bili pałkami i žaleznym prutom. Paśla źviarnuŭsia ŭ špital MVD, dzie jamu kałoli ŭkoły. Chto nanios jamu ŭdar — nie pamiataje.
Jašče raz paŭtaraje, što Miadźviedzia nikoli raniej nie bačyŭ.
Paciarpieły Zinkievič 75 h.n.
Kaža, što ŭ jaho kidali lod, draŭlanyja čaranki, uzhadaŭ čałavieka ŭ milicejskaj formie, pa apisańni situacyi maje na ŭvazie Kłaskoŭskaha. Iznoŭ uzhadvajecca vohnietušyciel. Adčuŭ siabie drenna, pajšoŭ u mašynu «chutkaj» jakaja stajała pobač, atrymaŭ pieršuju dapamohu.
Dziejańni Miadźviedzia apisać nie moža.
14:11
Sudździa pryjšła, praces adnaŭlajecca.
Paciarpieły Bułavacki 1984 hoda naradžeńnia.
«Z 14 00 my dziažuryli za Pałacam Recpubliki. Što adbyvałasia na płoščy — nie viedaju, znachodzilisia ŭ transparcie. Naviny atrymlivali pa radyjo — viedali, što na płoščy byli ludzi z „aktyŭnymi“ pavodzinami».
Na płoščy Niezaležnaści łancuhom dvinulisia ad Kaścioła da Domu Urada. Natoŭp byŭ ahresiŭna nastrojeny, u nas lacieli płastykavyja butelki, nas imknulisia pavalić. Bili ŭ ščyty, rukami, nahami. Naša zadača była vyjści da centralnaha ŭvachodu ŭ Dom Urada.
«Paśla byŭ zahad raśsiakać natoŭp na dźvie častki, uziali ŭ koła i ahresaraŭ pahruzili ŭ aŭtazaki. Pry supracivie ź mianie sadrali šlem, nanosili ŭdary kułakami».
Čałavieka, jaki nanosiŭ udary nie zapomniŭ. ale asobnych «ahresiŭnych» — tak.
14:11
Źjavilisia apošnija piać paciarpiełych. Heta tyja ž samyja ludzi, što davali pakazańni na pracesie Breŭsa i Haponava
Sudździa nie prosić u paciarpiełych pašparty i nie pytajecca pra adukacyju.
*** 13:26
Pierapynak da 14:00.
13:12
Sudovaje pasiadžeńnie praciahvajecca, admova ad pazovu pryniataja. Źjaviŭsia jašče adzin paciarpieły. Padpałkoŭnik Ihar Bažok 1982 hoda naradžeńnia.
19 śniežnia jon byŭ spačatku na Kastryčnickaj, paśla na płoščy Niezaležnaści, dzie «pačaŭ prachodzić niesankcyjanavany mitynh».
Pavodle jaho słovaŭ, što adbyvajecca na płoščy, jon nie viedaŭ, bo znachodziŭsia u słužbovym transparcie.
«Na płoščy ŭbačyŭ vialikaje skapleńnie ludziej, jakija kryčali kštałtu „Sychodźcie!“, ale dakładna nie skažu».
Jon kaža, što ludzi imknulisia adabrać ščyty, bili rukami i nahami. Sam Bažok atrymaŭ pa śpinie nieviadomym pradmietam. Z pradmietaŭ u rukach nie bačyŭ ničoha. Kaža, što ŭ jaho mocna baleła śpina.
Jaho vusnyja pakazańni supiarečać piśmovym. U piśmovych pakazańniach zaznačajecca, što źjavilisia butelki, što lacieli ŭ milicyjantaŭ, niecenzurnyja vykryki, a taksama pałki (niekatoryja — žaleznyja).
Advakat pytajecca nakont paciarpiełaha.
«Ničoha drennaha jon mnie nie zrabiŭ, nikoli jaho nie bačyŭ, ale razhladzieć tvaru było niemahčyma»
12:25
Paciarpiełyja sychodziać. Daprašvajuć pradstaŭnika hramadskaha abvinavačvańnia Lepieša. Jon kaža, što naniesieny uron — raźbityja vokny, paškodžanyja dźviery. Ahulnaja suma — 14 młn 48 tys 150 rubloŭ. 21 lutaha było ŭniesienaje adškadavańnie, jano całkam pahašanaje. Tamu hramadskaje abvinavačvańnie admaŭlajecca ad kampiensacyi.
12:20
Nastupny paciarpieły — Dalidovič. 1975 hoda naradžeńnia, kamuzvoda UUS Minskaha abłvykankama. Niekalki hadzinaŭ byŭ u transparcie na Kastryčnickaj płoščy. Prykładna, a 22:30 (kali ich pieraviali na Niezaležnaści) była kamanda rušyć da Doma ŭrada, bo natoŭp źbivaje milicyjantaŭ i bje vokny. Pačuli kryki. Što kryčali, kankretna nie zmoh skazać.
Zaznačaje, što la Doma ŭrada pieršaja reakcyja była takaja: ludzi byli vielmi ahresiŭna nastrojenyja, bo vykrykvali u naš adras usialakija łozunhi. Sarvali ŭ adnaho z hałavy šlem i pačali źbivać, my vyciahnuli nazad. «Ślapili ŭspyškami kamier».
Dalidovič kaža, «Takoje pačućcio było, što ludzi pryjšli kab učynić poboišča, tam byli nie dzieci i padrostki, a zdarovyja mužyki, vykrykvali „Vas by ŭ Čačniu“. Ja liču, što heta było padrychtavana zahadzia, śpiecyjalna».
Raźbili hałavu, paśla taho jak byŭ ablity pienaj. Srodkaŭ dla padpału nie bačyŭ. U asnoŭnym karystalisia vudačkami.
Pytańnie advakata. Ci možacie nazvać kankretnyja dziejańni abvinavačannaha
Nie viedaju.
Pytańnie prakurora: ludzi byli biez pradmietaŭ u rukach, ci byli
Adkaz: «Jany ŭzialisia za ruki i vielmi družna pajšli na nas. Ruki byli zaniatyja, ale ŭ ich byli vudački i jany nanosili imi vielmi mocnyja udary. Pry hetym trymalisia za ruki»
Jak takoje mahčyma, rastłumačyć nie moža, kaža, što nie viedaje. Ich ślapili kamierami — jon nie moh ničoha ŭbačyć.
11:55
Źjavilisia jašče try paciarpiełyja.
Paciarpieły Vołkaŭ 82 hoda naradžeńniaja. Milicyjanier u pałku śpiecyjalnaha pryznačeńnia.
Pad
Kaža: «My pašychtavalisia ŭ łancuh i rušyli u bok da Doma ŭrada, nazirali, jak ludzi padyšli da hanka, čuli hrukat, kryki ludziei i zvon škła».
My vyciaśniali ludziej ad hanka, na 10 mietraŭ. Tam i spynilisia. Sutyknulisia z aktyŭnym supracivam: demanstranty bili ich pałkami, u peŭny momant padčas adciaśnieńnia demanstranty spynilisia. Była kamanda — viarnucca ŭ transpart, i my ŭ tym ža paradku pakinuli płošču.
Kolkaść pałak paciarpieły nie zapomniŭ. Kaža, što taksama nanosilisia ŭdary rukami i nahami. Sam jon atrymaŭ udar pa šlemie.
* * *
Pieršy — Kaštałanaŭ 1969 hoda naradžeńnia. Jon namieśnik kamandzira atrada, ź jakoha ŭsie paciarpiełyja, u zału suda pryjšoŭ u formie.
Jon raskazvaje, što prybyli na płošču z boku vuł. Savieckaj. Hramadzianie bili škło, pastupiła kamanda adciaśnić. My adciaśnili ich. La hałoŭnaha ŭvachodu jašče praciahvali bić vokny.
Kaštałanaŭ kaža, što natoŭp byŭ ahresiŭny, imknulisia z łancuha vyciahnuć supracoŭnikaŭ, nie davali kałońnie ruchacca. Kali my adciaśnili, stali ŭ šarenhu — nas imknulisia «prarvać», bo nas było niašmat. Tady jany vykarystali ahniahaśnik.
Kaža, što, kali adciaśniali ludziej ad Doma ŭrada, jon atrymaŭ udar u piaredniuju častku ściahna. U adnaho z supracoŭnikaŭ vyrvali ščyt. «Jak tolki my zrabili kalidor i stali pierad natoŭpam, jany ŭbačyli, što nas mała, i imknulisia prarvać nas. Našyja supracoŭniki stali bić pałkami pa ščytach».
Advakat pytajecca, ci moža paciarpieły skazać štości pra Miadźviedzia. «Ničoha nie bačyŭ».
* * *
11:51
Paciarpieły Hałavač, 1981 hoda naradžeńnia.
Razam z šarenhaj znachodziŭsia la pomnika Lenina. Kaža, što supracoŭnikaŭ milicyi pravakavali, kryčali matam, vykrykvali niecenzurnyja łozunhi. Siłavoha ŭździejańnia nie bačyŭ. Bačyŭ jak ludzi vyskokvali, bačyŭ pałki ciomnyja (mietaličnyja) i śvietłyja (nieviadoma jakija), razychodzicca ludzi nie chacieli. Atrymaŭ udar pa hałavie. Nie bačyŭ, kab milicyjanty źbivali demanstrantaŭ.
11:32
Nastupny paciarpieły. Pieralejka, 1982 hoda naradžeńnia.
«My nachodzilisia ŭ transparcie na vuł. Hiercena. Paŭstancy hramili dźviery i vitryny, i nam dali kamandu adciaśnić natoŭp. Dva maładyja čałavieki supraćstajali našamu prasoŭvańniu. Atrymaŭ udar, trapiŭ u natoŭp, adkul vyciahnuli kalehi». Kali pašychtavalisia ŭ łancuh, bili nas «ščytami pa naham», paśla nastupiła zacišša.
«U hety čas kampanija čałaviek z šaści skandziravała „Biej mientov“ i niecenzurnyja vykryki, pakazvali nam siarednija palcy. U kahości sprava ja bačyŭ dreŭka. Paśla pajšła druhaja chvala — aktyŭny supraciŭ, nanosili udary pa šlemu i pa nahach. Adciaśnili my na 10 mietraŭ hetych hramadzian, i ŭ hety momant mužčyna z ahniahaśnikam raspyliŭ pienu nam u vočy. Paśla my rušyli ŭ bok da Pieduniviersiteta, tam nijakaha supracivu nie było». Pieralejka kaža, što nijakaj zbroi, aproč ahniahaśnika, jon nie bačyŭ.
Taksama vyjavilisia razychodžańni ź piśmovymi pakazańniami ad 18 lutaha.
Pavodle piśmovych pakazańniaŭ paciarpieły bačyŭ, jak u milicyju kidali armaturu, ciapier kaža, što prosta zabyŭsia pra jaje — a jana była. Jak i draŭlanyja pałki, jakija vykarystoŭvaŭ natoŭp suprać supracoŭnikaŭ UVD — ciapier jon kaža, što pałak nie bačyŭ.
* * *
11:21
Paciarpieły śpiecnazaviec Masalski 1987 hoda naradžeńnia.
Kaža, što vysunulisia adrazu, kab adsiejać natoŭp ad Doma ŭrada i adciaśnić ludziej.
«Dalej my zaniali svajo miesca ŭ šerahach, ź pieršych šerahaŭ uciakali ludzi, nanosili udary vudačkami, nahami, vydziorhvali z šarenhi milicyjantaŭ. Atrymaŭ udar pa šlemu ad mužčyny siaredniaha (ci pažyłoha) uzrostu, apisać nie moža. Kolki było ŭdaraŭ pa šlemie, nie pamiataje».
Zaznačaje, što pałova narodu ŭsłuchałasia ŭ patrabavańnie razyścisia, ale inšyja — vykrykvali łozunhi i machali ściahami. Da Doma ŭrada rušyła bolš ahresiŭnaja častka natoŭpu.
«Adzin z kaleh byŭ ablity pienaj ahniahaśnika, ale pahromaŭ i padpałaŭ nie bačyŭ».
Cikava, što pavodle piśmovych pakazańniaŭ Masalski dobra razhledzieŭ, čałavieka, jaki na jaho napaŭ. Z apisańniem koleraŭ kožnaha pradmietu harderobu. U piśmovych pakazańniach, čałaviek, jaki napaŭ, 23–27 hadovaha ŭzrostu.
***
11:11
Paciarpieły Lavicki kaža, što pryjšli na płošču, adpravilisia da Doma ŭrada. Naša rota vystraiłasia la pomnika. Natoŭp byŭ i za nami i pierad nami. Ludzi imknulisia vyjści. «Siłavyja miery natoŭp nie vykarystoŭvaŭ. Jany łajali nas „fašysty“, ale my nie źviartali na heta ŭvahu.
Byli čutny kryki — nijakich kankretnych dziejańniaŭ. Kali za nami apynuŭsia natoŭp, my ich sažali ŭ śpiectranspart. Mienia ŭdaryli pad ščyt. Adčuŭ bol u łakcie».
pavodle piśmovych pakazańniaŭ, paciarpiełaha źbili nahami. Supiarečnaściej paciarpieły nie bačyć. U vusnych pakazańniach jon kazaŭ, što atrymaŭ tyja ž paškodžańni vypadkova — niechta pavaliŭsia i trapiŭ jamu pad ščyt. Ludzi pytalisia vyjści z «kalidora». Heta było ŭ toj momant, kali ludziej sadžali ŭ śpiectranspart.
10:49
Pačynajecca dopyt paciarpiełych. Alaksiej Sakač, 1983 hoda naradžeńnia, milicyjanier Pałka milicyi śpiecyjalnaha pryznačeńnia. Kaža, što z abvinavavačanym nie znajomy. Jon raspaviadaje: «My stali ŭ łancuh pierad Domam urada, a 22:30. Tam było čutno, jak paŭstancy bili škło na ŭvachodzie. Praź niekatory čas ludzi chłynuli na nas z udarami pa ščytach. My bačym natoŭp ahresiŭna nastrojenych ludziej (jany kryčali). My ich adsiekli ad hanku Doma ŭrada, natoŭp znachodziŭsia pierad nami».
Kaža, što ničoha nie bačyŭ — šlem zapacieŭ, na jaho pasypalisia ŭdary. Čym i jak bili skazać nie moža. Nikoha z tych, chto nanosiŭ udary, nie zapomniŭ. Kaža, što sam nie bačyŭ, ale kalehi kazali, što byli žaleznyja pruty, ledaruby.
Pačynaje zadavać pytańni advakat.
Pačynajecca dopyt nastupnaha paciarpiełaha — sp. Pałaŭčynin 1983 hoda naradžeńnia. Jon kaža, što 19 śniežnia pracavaŭ na Płoščy ŭ cyvilnaj formie. Na pytańnie, što adbyvałasia na Płoščy, kaža «Ludzi kryčali łozunhi», ale jakija kankretna, udakładnić nie moža.
Kaža, što stajaŭ z partatyŭnaj radyjostancyjaj. Jamu, u natoŭpie, byŭ naniesieny ŭdar szadu. Abiarnuŭsia — ubačyŭ čałavieka, jaki ŭciakaŭ.
Pakolki pry pakazańniach paciarpiełaha źjavilisia supiarečnaści, sudździa začytvaje jahonyja piśmovyja pakazańni.
Pakazańni ŭ piśmovym vyhladzie vielmi padrabiaznyja z apisańniem padziej na płoščy. U pakazańniach paznačana, što jon zatrymlivaŭ mitynhoŭcaŭ, ale ciapier Pałaŭčynin kaža, što nie zatrymlivaŭ. Nastojvaje na tym, što piśmovyja pakazańni — pravilnyja, chacia napisaŭ ich 18 lutaha, i praź miesiac paśpieŭ zabyć, što bačyŭ. Tak, pavodle piśmovych pakazańniaŭ, jon padrabiazna apisvaje ahresiŭnyja dziejańni natoŭpu, vusna — uzhadvajucca tolki łozunhi.
10:33
Prakuror pytajecca, ci pradprymaŭ Miadźviedź aktyŭnyja dziejańni suprać milicyjantaŭ, ci praryvaŭ ačapleńnie. Miadźviedź kaža, što tolki abaraniaŭ hałavu. Što rabili astatnija — nie bačyŭ, bo zakryvaŭ rukami tvar, padčas zatrymańnia taksama nie akazvaŭ supracivu.
Ciapier Miadźviedzia apytvaje advakat. Miadźviedź kaža, što nie bačyŭ pahromaŭ i padpałaŭ, jak biłasia škoło, nie prysutničaŭ.
10:28
Miadźviedź kaža, što vyšturchnuli pierad ščytami milicyi, jaho bili dubinkami, jon zakryvaŭsia rukami, ale zzadu napirali, i jon jon nie moh syści, u niejkuju chvilinu spatyknuŭsia i pavaliŭsia. Kaža, što abaraniaŭsia — heta zakryvaŭ tvar ad dubinak. Kaža, što adciahnuli, potym jaho znajšoŭ syn — i jany vyrašyli źjechać, ale la pomnika ŭžo źjaviłasia milicyja. Vychadu nie było, viarnulisia na leśvicu la Doma ŭrada.
Ich pahruzili ŭ mašynu i źvieźli.
10:26
«Ja hladžu, što niama škła ŭ dźviarach, voknach — i tut ja zaŭvažyŭ, što pierad fasadam stajali chłopcy sa ščytami. Supracoŭniki milicyi prosta stajali, vyskokvaje ź linii chłopiec i padaje, i ja vyrašyŭ pajści jaho padniać. Pačaŭ dapamahać, ludzi pajšli na mianie. Ja nie zrazumieŭ, što adbyłosia, jak mianie padchapiŭ natoŭp i paciahnuŭ napierad.
10:21
Kaža, što sustreŭ syna na prypynku, potym ubačyŭ ludziej na płoščy — syn skazaŭ, što jahonyja siabry adyšli (bo nie dačakalisia Miadźviedzia) pahladzieć na demanstracyju, zaraz pavinny viarnucca. Miadźviedź prapanavaŭ pajści zabrać siabroŭ syna, jakija abiacali stajać la pomnika. Padyjšli da pomnika, ale nie zmahli datelefanavacca da siabroŭ. Što adbyvałasia la pomnika, jon nie bačyŭ, bo nizkarosły. Usie padnialisia pa leśvicy sprava ad pomnika, «usie zrušylisia napierad».
10:19
Dźmitry Miadźviedź śviedčyć, što damoviŭsia sustrecca sa znajomym, proźvišča jakoha nie viedaje — dla hetaha sustreŭsia ź im la vakzała kala
10:16
Pačynajecca dopyt abvinačavanaha.
10:12
Pryjšła sudździa Rudnickaja — praces pačynajecca. na pieršaj łava hetym razam siadziać ludzi — heta paciarpiełyja. Ich šeść čałaviek.
Kali sudździa zaprasiła ich padniacca, pa zale prakaciŭsia śmiech — sudździa zaklikaje da paradku.
9:50.
Zapuścili ŭ zał žurnalistaŭ, spačatku fota- i videaapierataraŭ. Zała, u adroźnieńnie ad minułaha razu, całkam zapoŭnienaja.
Radaść i honar. Na voli. Fota radyjo Svaboda.
Praces nad Dźmitryjem Miadźviedziem pačaŭsia 1 sakavika, ale byŭ pieraniesieny pa prośbie advakata ŭ suviazi ź pierapradjaŭleńniem abvinavačvańnia.
Pavodle ŭdakładnienaj viersii abvinavačvańnia,
Miadźviedź nibyta akazvaŭ ŭzbrojeny supraciŭ supracoŭnikam milicyi.
Praces viadzie sudździa Alena Rudnickaja, advakat — Siarhiej Lepieš, prakuror — Mazoŭka.
***
Dźmitryju Miadźviedziu — 51 hod. Da ŭziaćcia pad vartu jon pracavaŭ dyrektaram adnoj z budaŭničych firm.
Na Płoščy 19 śniežnia 2010 hoda byŭ razam sa starejšym synam. Byŭ zatrymany, adbyŭ administracyjny aryšt, byŭ aryštavany paŭtorna i adpraŭleny ŭ SIZA na Vaładarskaha.
Na voli ŭ Źmitra zastajecca žonka (druhi šlub) Taćciana, hadavałaje dzicia i stareńkaja maci.
