Lider Narodnaha ruchu Ukrainy, kiraŭnik parłamienckaha kamiteta pa pytańniach jeŭrapiejskaj intehracyi Barys Tarasiuk źviarnuŭsia da prezidenta Viktara Janukoviča z prapanovaj razhledzieć pytańnie ab pazbaŭleńni Muamara Kadafi dziaržaŭnych uznaharod Ukrainy.
Parłamientaryj nahadaŭ, što ŭ 2003 hodzie Kadafi byŭ uznaharodžany ordenam kniazia Jarasłava Mudraha I stupieni, a ŭ 2008 hodzie — ordenam Bahdana Chmialnickaha I stupieni.
Pavodle jaho słoŭ, uručeńnie ŭznaharod kiraŭnikam zamiežnych dziaržaŭ źjaŭlajecca ahulnapryniataj mižnarodnaj praktykaj.
«Razam z tym, u vyklučnych vypadkach, možna adklikać takija dziaržaŭnyja ŭznaharody, jak heta adbyłosia ŭ vypadku z Muamaram Kadafi ŭ 2007 hodzie, kali Bałharyja adklikała Safijski miedal honaru za śmiarotny prysud piaci bałharskim miedsiostram, jakija pracavali ŭ Livii, — nahadaŭ deputat Tarasiuk. — Ukraina pavinna asudzić prymianieńnie livijskim režymam vajennaj siły suprać svajho naroda. Heta mahčyma zrabić, u tym liku i šlacham pazbaŭleńnia Muamara Kadafi dziaržaŭnych uznaharod Ukrainy», — paviedamlaje gazeta.ru.
U Biełarusi pastavić takoje pytańnie na aficyjnym uzroŭni nichto nie aśmieliŭsia. Choć Kadafi ŭhanaravany i ŭ nas — jon, naprykład, źjaŭlajecca hanarovym doktaram Biełdziaržuniviersiteta infarmatyki i radyjeelektroniki.
