PadčasŚpiavak i vykładčyk padzialiŭsia svaim pohladam na niedachopy navučańnia vakalistaŭ, padbor repiertuaru, pravilnuju biełaruskuju movu i temu aŭtarstva pieśniaŭ.majstar-kłasu , jaki adbyŭsia ŭ miežach adkrytaha konkursu maładych vykanaŭcaŭ estradnaj pieśni«Chali-Chało» , udzielnik «Jeŭrabačańnia» Piotr Jałfimaŭ naładziŭ sapraŭdny «razbor palotaŭ».
Pra navučańnie
U pieršuju čarhu heta datyčyć vykładčykaŭ. Nadresiravać možna i zajca. Jon budzie stukać u baraban. Krucić koła, i ŭsio budzie kłasna. Dzicia musić adčuć siabie svabodna. Nie vychodzić na scenu i dumać, što na hetym słovie treba zrabić tak, a voś pačynajecca prypieŭ, ciapier daličyć da piaci i pajdu tudy, a tut adydu, tamu što pačynajecca projhryš. Nielha tak rabić. Piedahoh isnuje dla taho kab nakiravać, a nie nadresiravać. I ni ŭ jakim vypadku piedahoh nie pavinien realizoŭvać niejkija svaje nierealizavanyja ambicyi. Kožnaje dzicia, kožny artyst — heta indyvidualnaść. Samaje hałoŭnaje — dać jamu mahčymaść raskrycca, a nie rabić ŭsich na adzin kapył.
Pra repiertuar
Kali vy nie viedajecie, jak sumiaścić hrudny rehistr z hałaŭnym, značyć, treba albo prakansultavacca, albo troški padvučycca, albo padabrać pieršapačatkovy repiertuar. Nie treba brać estradnuju pieśniu i śpiavać jaje, kab kankretna było čuvać, što voś hety dyjapazon dzicia śpiavaje hrudnym hukam, a tut vyrazna hučyć adna hałava. Heta nastolki čuvać i heta tak aburaje. Kali ty słuchaješ i dumaješ: voś zaraz budzie kulminacyja — a jaje niama. Tamu što nie mohuć! Heta vakalny konkurs. Tut niama peŭnych ramak, i nichto nie kaža što voś hetuju pieśniu možna, a hetuju nielha. Vaźmicie kłasičny tvor, zrabicie pryhožuju apracoŭku, chaj vykanaŭca raskryjecca ŭ svajoj maniery, jamu budzie zručna, i atrymajecca prosta supier.
Pra biełaruskuju movu
Siabry maje, heta było niešta. Biełaruskaja mova była prosta ahidnaja, pra anhielskuju naohuł maŭču.Nie va ŭsich, ale… Hučała pieśnia na biełaruskaj movie sa słovami «pa biełym śniehu». Pa biełym śniezie! Ni ŭ jakim vypadku nie pa śniehu. Niama takoha słova. My śpiavajem s[]viet, s[]miajacca, s[]viatło, a nie śviet, śmiajacca… Heta biełaruskaja mova. Huk «s» tut miakki, i ŭsio pavinna hučać pryhoža i pravilna.
Pra aŭtaraŭ
U pieršuju čarhu heta niepavaha da siabie samoha — nie viedać aŭtara tvora, jaki vy budziecie vykonvać. Ja svaich studentaŭ nie puskaju na paroh, kali jany nie viedajuć aŭtaraŭ, kali mnie kažuć «pieśnia z repiertuaru…» Jość masa infarmacyi ŭ internecie, niama takoha — «pieśnia z repiertuaru». U luboj pieśni, u luboha tvora jość aŭtar. I heta vy pavinny viedać!
