Paškodžanaja cenzarami instalacyja «Piramida Biełarusi» dy jašče kala dvuch dziasiatkaŭ tvoraŭ, jakija byli zabaronienyja za časy Łukašenki da pakazu na vystavach mastakoŭ supołki «Pahonia», pabačyli śviet u Minsku na siadzibie BNF.
Viktar Mikita, "Kamień, cehła i cemient" (2001)
Aleś Mara. Zdani (2011 hod). Cenzary ŭhledzieli matyvy padziejaŭ 19 śniežnia 2010 hoda.
Instalacyja Hienadzia Drazdova i Alesia Mary «Biełaruskaja piramida. Hołas naroda».
Heta samaja apošniaja pa časie represavanaja praca mastakoŭ supołki «Pahonia».
Aleś Maračkin tłumačyć sens «Zdaniaŭ».
A voś heta kopija karciny Alesia Mary «Lalki» - aryhinały źniali cenzary i tak i nie viarnuli pa siońnia.
«Vokny druku» i ich aŭtarka, mastačka Taciana Markaviec.
Aleś Mara, «Ściana» (1997).
«Piramida Biełarusi» — heta samaja apošniaja pa časie represavanaja praca mastakoŭ supołki «Pahonia». 15 sakavika ŭžo na ekspazicyju pryjšoŭ čynoŭnik Ministerstva kultury, i jamu nie spadabałasia hetaja praca. Rasškamutanaja cenzarami u časie transpartavańnia na dźvie častki, jana tak i staić, prychinutaja da dźviuch supraćlehłych ścienaŭ zały ŭ siadzibie BNF. «Piramida Biełarusi» — heta, pavodle słovaŭ aŭtara Hienadzia Drazdova, simvał siońniašniaj krainy. Heta mietafara jaje. My budujem, skazaŭ jon, piramidu Biełarusi, kab razburyć antybiełaruskuju piramidu.
Kardonavaja instalacyja stajała ŭ centry štohadovaj sakavickaj vystavy supołki «Pahonia», jakaja adkryłasia ŭ Pałacy mastactvaŭ 11 sakavika. A za dzień da hetaha, na zahad kiraŭnictva Sajuza mastakoŭ, było źniata jašče 6 pracaŭ. Dźvie hrafičnyja raboty Ŭładzimiera Krukoŭskaha, adna žyvapisnaja — Viktara Mikity, i dźvie pracy Alesia Maračkina. Tut ža pobač i jašče adna praca Maračkina, źniataja jašče ŭ 1997 hodzie. Hetaja praca nazyvajecca «Lalki». Jaje potym jašče raz zdymali, u
1997 hod — heta pačatak masavaha cenzuravańnia tvoraŭ mastakoŭ supołki «Pahonia». Tut ža vystaŭlenyja «Vokny druku» mastački Taciany Markaviec, taksama źniatyja ŭ 1997 hodzie. Heta instalacyja ź biełaruskich haziet u vyhladzie zakratavanych voknaŭ jak simvał źniavolenaha biełaruskaha słova.
Na ścienach taksama raźmieščanyja pracy Alesia Puškina — heta sieryja pad ahulnym nazovam «Biełaruskija špakoŭni». Mastak raspavioŭ cikavuju historyju. Zaletaś 17 hetych pracaŭ zaprasili vystavić u šviedski horad Kalmar. Adnak, treba było atrymać dazvoł na vyvaz tvoraŭ mastactva ŭ Ministerstvie kultury, i dazvoł byŭ vydadzieny tolki na try karciny, a 14 było vyvozić zabaroniena. Tady mastak u druku raspavioŭ, što jon zrabiŭ fota zabaronienych da vyvazu na vystavu ŭ Šviecyju karcinaŭ i pakaža tam hetyja fotazdymki. Čynoŭniki adstupilisia i napisali, što hetyja tvory nie majuć mastackaj vartaści, a tamu, maŭlaŭ, ich vyvaz dazvalajecca.
